Святая манефа молитва

Православные акафисты

Яко светильница явилася еси всесветлая, добродетелей светлостию озаряеши верных исполнения, всея Гомельския земли молитвенница, хвалебное пение ти приносим, преподобная мати наша Манефо, во всяких бедах и напастех заступай нас, грешных, вопиющих к тебе:

Радуйся, преподобная мати наша Манефо, новая похвало и земли нашея утверждение.

Ангельски пожившая на земли и Ангелом равностоятельница явилася еси на небеси, с теми же и неизреченныя оныя наслаждаешися доброты, преподобная мати, помощнице и теплая заступнице наша, восхваляем тя песньми сицевыми:

Радуйся, родителей благочестивых плод целомудренныя чистоты.

Радуйся, славо и заступление граду нашему.

Радуйся, нашея земли прозябение святое.

Радуйся, Гомелю похвало.

Радуйся, яко из млада Богу послужила еси.

Радуйся, яко гласу Божию в совести внимавшая.

Радуйся, Царствия Небеснаго наследнице.

Радуйся, вечныя славы сопричастнице.

Радуйся, преподобная мати наша Манефо, новая похвало и земли нашея утверждение.

От юности твоея сосуд избранный себе Богу явила еси, преподобная мати наша Манефо, добрыми твоими деянии: воздержанием, молитвою и милостынею, чистотою душевною и телесною, любовию же и смиренномудрием. Темже Небесному Царю и Владыце всех угодила еси и, пресветлым Небесным венцем украсившися, воспеваеши песнь: Аллилуия.

Райскую жизнь и тамо святых селение всегда во уме своем поминающи, преподобная, в слезах и воздыханиих сердечных всю свою жизнь прешла еси. Сего ради и по смерти Христос прослави тя песньми сицевыми:

Радуйся, Манефо, светильнице солнцу подобная.

Радуйся, зерцало и образе всем православным людем.

Радуйся, пещь страстей юности угасившая воздержанием.

Радуйся, постом и бдением плоть свою сокрушившая.

Радуйся, добре преуспевшая ко приятию ангельскаго образа.

Радуйся, евангельскаго по Бозе жития ревнительнице.

Радуйся, заповедей Господних строгая исполнительнице.

Радуйся, преступающих оныя скоро обличающая.

Радуйся, преподобная мати наша Манефо, новая похвало и земли нашея утверждение.

От духовнаго наставника, схиигумена Макария, наставляема, послушания добрая рачительнице, преподобная Манефо, от мирскаго мятежа удалившися и инокиня бывши изрядная, добрым подвигом подвизалася еси; и ныне, вкупе со старцем твоим предстоиши у Престола Владыки Христа, воспеваеши песнь: Аллилуия.

Егда обеты иночества Господеви воздала еси, все твое умное желание к Богу направила еси. Мы же познавше по Бозе житие твое, прославляем Бога, укрепившаго тя, и приносим тебе таковая:

Радуйся, Духа Святаго вселение.

Радуйся, светило благочестия.

Радуйся, обители твоея присное радование.

Радуйся, преподобных украшение.

Радуйся, Богомудрая мати Манефо.

Радуйся, иночествующих славо и похвало.

Радуйся, образе терпения и незлобия.

Радуйся, преподобных сонаследнице.

Радуйся, преподобная мати наша Манефо, новая похвало и земли нашея утверждение.

Божественный свет осия жилище твое, преподобная, егда в час молитвы твоея Сама Пречистая Дева, пришедши к тебе со схимонахом Артемием, рече: Мне молись. Сего ради мы веруем, яко Дева Мария внемлет прошением призывающих имя святое Ея и Сыну Ея зовущих: Аллилуия.

Слышаще и видяще святое жилище твое, преподобная, людие устремишася вси к тебе, поучахуся о словесех твоих и подвизех, прославляху Бога и тебе величаху, зовуще ти:

Радуйся, Пречистыя Богородицы верная служительнице.

Радуйся, присно славительнице имени Ея преблагословеннаго.

Радуйся, яко Владычицею хранимая, греховных падений избегла еси.

Радуйся, покрову Ея себя предавшая.

Радуйся, обитель Ея яко тихое пристанище избравшая.

Радуйся, яко тамо отвергшаяся воли своея.

Радуйся, Небесе и земли Царицу лицезревшая.

Радуйся, о сем преисполнившаяся радости духовныя.

Радуйся, преподобная мати наша Манефо, новая похвало и земли нашея утверждение.

Воздержание, молитву и любовь стяжавши, преподобная, образ иноческаго жития явилася еси, в немже преуспети пособствуй ходатайством твоим и нам, вопиющим песнь Богу: Аллилуия.

Яко финикс процвете тело твое нетлением, преподобная, и, яко кедр, иже в Ливане, умножишася чудеса, приносяще благодатную помощь всем с верою приходящим. Мы же, дивящеся таковому о тебе Божию промышлению, со умилением вопием ти:

Радуйся, исполненная Христовы красоты.

Радуйся, доме добродетелей.

Радуйся, благоутробия сокровище.

Радуйся, благочестия столпе непоколебимый.

Радуйся, храме Всесвятыя Троицы.

Радуйся, всех святых сожительнице.

Радуйся, смирения и незлобия учительнице.

Радуйся, терпения и миролюбия наставнице.

Радуйся, преподобная мати наша Манефо, новая похвало и земли нашея утверждение.

Услышана была еси, мати Манефо, от Бога, яко молитва твоего смирения облаки пройде. Темже молитвенныя воздыхания твоя Вышний приемля, даде убийце некоему дух прав, имже умилився, в покаяние прииде. Вси же, дивяся чуду сицевому, воспеша Богу дивную песнь: Аллилуия.

Дар Божий прият молитв твоих крепость, вся совершаеши, преподобная, мудре и преславно. Мы же грешнии, любовию к тебе подвизаеми, дерзаем ублажати тя сице:

Радуйся, яко чудесы Бог тя прославляет.

Радуйся, яко твоими молитвами сопротивнии побеждаются.

Радуйся, притекающим к тебе спасения ходатаице.

Радуйся, христоименитым людем похвало и утверждение.

Радуйся, добродетелей украшение.

Радуйся, сирым прибежище.

Радуйся, благочестия наставнице.

Радуйся, грешников исправительнице.

Радуйся, преподобная мати наша Манефо, новая похвало и земли нашея утверждение.

Преподобная мати наша Манефо, вся сущия с тобою учила еси, глаголя: чада, никтоже, в лености пребывай, достоин будущих благ, но законно зде страждущии, тамо законно увенчаются праведными венцы и воспоют Богу ангельскую песнь: Аллилуия.

Видяще, яко мзда твоя многа на небеси, мы вернии, житие твое земное разсмотревше, от сего научихомся, колико может вера, деяньми споспешествуема. Сего ради прими, благосердая, похвалы сия:

Радуйся, приятельнице дарований.

Радуйся, ходатаице всех ко спасению.

Радуйся, скорбящим утешение.

Радуйся, исполняющая радости притекающих к тебе.

Радуйся, яко молитвою и богомыслием укрепилася еси.

Радуйся, яко разум духовный прияла еси.

Радуйся, милостиву душу имущая.

Радуйся, яко нищим была еси питательница неоскудная.

Радуйся, преподобная мати наша Манефо, новая похвало и земли нашея утверждение.

Се воистину исполнишася словеса Господня: Кости твоя утучнеют и будут, яко вертоград напоенный, и яко источник, ему же не оскуде вода. По Господню сему словеси и ты, преподобная мати, пред Отцем Небесным прославлена еси и со всеми святыми выну зовешь Святей Троице: Аллилуия.

Тесным путем в житии своем шествовала еси и Небесных селений радостне достигла еси, идеже предстоиши Престолу Пресвятыя Троицы, дарованьми чудес обогащаема. Мы же мысленно споследствующе ти, взываем с любовию таковая:

Радуйся, сирым и вдовицам крепкая помощнице.

Радуйся, града нашего стено необоримая.

Радуйся, всем прибегающим к тебе во благое разрешение.

Радуйся, всех кающихся с Богом примирительнице.

Радуйся, милости пучино неисчерпаемая.

Радуйся, гордости прогонительнице.

Радуйся, враждующих примиряющая.

Радуйся, совести пробуждающая.

Радуйся, преподобная мати наша Манефо, новая похвало и земли нашея утверждение.

Коль велико, преподобная мати, человеколюбие твое, вемы вси, ибо прежде смерти своя вся христоименитыя люди учила еси разумно жити и заповеди Господни блюсти, славу же Ему возносити, вопиюще: Аллилуия.

Како убо воспоем твое пресветлое житие и премногия твоя добродетели, преподобная мати наша, знамения же и чудеса, имиже вся просвещаеши, яко солнце? Того ради ныне во свете святых пребывающи, поминай творящия память твою песньми сицевыми:

Радуйся, сущим в бедах скорая помощнице.

Радуйся, обидящих строгая наказательнице.

Радуйся, обидимых крепкая защитнице.

Радуйся, во успении своем нас не оставляющая.

Радуйся, телеса наша безмездне врачующая.

Радуйся, души наша молитвами твоими спасающая.

Радуйся, исполнительнице неисповедимых Божиих судеб.

Радуйся, всем послужившая до последняго дне живота своего.

Радуйся, преподобная мати наша Манефо, новая похвало и земли нашея утверждение.

Конец болезней обрела еси, преподобная, наслаждение еже в Раи, от теснаго бо пути достигла еси к пространству Царствия Божия, всемудрая, благословящи Бога песнию: Аллилуия.

Имущи душу милостиву, и чист помысл, и сердце бодро, веру неблазненну и любовь воистину нелицемерну, от земли преставилася еси к Небесным и с лики праведных водворяешися. Темже тя благочестно славим вси и почитаем священными песньми сицевыми:

Радуйся, всех преподобных Белорусских сподвижнице.

Радуйся, ревностию по Бозе преподобной Евфросинии подражавшая.

Радуйся, Софии Слуцкия великодушие стяжавшая.

Радуйся, Валентине Минской равночестная.

Радуйся, цвете нетления, землю Гомельскую облагоухавшая.

Радуйся, Церкви Божия украшение.

Радуйся, миру светильнице всесветлая.

Радуйся, жительнице рая Небеснаго.

Радуйся, преподобная мати наша Манефо, новая похвало и земли нашея утверждение.

Егда приидоша священницы к могиле твоей, преподобная, хотящи прияти тело твое, тогда, гроб открывше, видеша лежащия твоя мощи святолепно, и радующися воспеша Богу дивную песнь: Аллилуия.

Добродетели твоя, яко цветы благоуханныя и яко камение драгоценныя, имиже и угодила еси нетленному Царю и Владыце всех. Темже любовию поем тя и верно ублажаем, взывающе тебе сицевая:

Радуйся, яко пчела цвет добродетелей мудро изыскавшая.

Радуйся, дар прозрения стяжавшая.

Радуйся, детей молитве научающая.

Радуйся, от недуга пианства многи избавляющая.

Радуйся, пролитие дарований духовных.

Радуйся, милостиво свыше на нас призирающая.

Радуйся, терпением древнему Иову уподобившаяся.

Радуйся, святолепне скончавшаяся.

Радуйся, преподобная мати наша Манефо, новая похвало и земли нашея утверждение.

Мощи твоя положенныя в церкви, преподобная, благоухание испущают притекающим с верою, и память твоя веселит сердца наша. Тем, Владыце предстоящи, поминай нас, с любовию прославляющих Его ангельскою песнью: Аллилуиа.

Житие на земли благочестно скончавши, чистое селение Святому Духу явилася еси, преподобная, просвещающи с верою приходящия к честным мощем твоим. Тем и мы, честную твою обстояще раку, тя прославляем песньми сицевыми:

Радуйся, сокровище многоценное от земли возсиявшее.

Радуйся, мощи твоя во благословение граду нашему давшая.

Радуйся, яко мощи сия токи чудес источают.

Радуйся, яко чудеса от них восхваляти тя благодарне подвизают.

Радуйся, яко тление не пр

Икоснуся костем твоим.

Радуйся, имиже оздравляются богатии и убозии.

Радуйся, имиже смиренно преклоняются славнии и именитии.

Радуйся, о ней же спасаемся вси.

Радуйся, преподобная мати наша Манефо, новая похвало и земли нашея утверждение.

О, преподобная мати наша Манефо, память твоя славна и успение со святыми! Нынешнее наша моление приемши, моли Всемилостиваго Бога избавити град наш от бед временных и вечных, умоли Господа в день страшнаго суда Его помиловати нас и избавити осуждения вечнаго, да сподобимся воспевати Ему песнь хвалы и благодарения: Аллилуия.

Сей Кондак читается трижды, затем Икос 1 и Кондак 1.

Молитва преподобной Манефе Гомельской

О, преподобная мати наша Манефо, чистою душею твоею в Небесных обителех в лике святых водворилася еси, на земли же с нами телесем нетленным пребываеши! Киими достойными похвалы прославим Тя или како наречем Тя? Ты бо всем сердцем возлюбила еси нас, сама же паче всех в Законе Господне день и нощь поучалася еси, желая во служении ближним добрым примером быти. Славим убо тя яко утешительницу скорбящим, врача недугующим и предстательницу у престола Божия о спасении душ во веки веков. Аминь.

Тропарь преподобной Манефе Гомельской, глас 4

Веселися земля Гомельская, се бо Господь яви дивную подвижницу, во тьме греховной яко солнце воссиявшую. И во иночестем чине Евангелие людем, притекающим к ней возвещавшую. Ныне же нетленным телесем пребывая, спасай нас молитвами твоими, Манефо, мати преподобная.

Кондак преподобной Манефе Гомельской, глас 6

Измлада претерпела еси страдания телесныя, приведшия тя дивно ко Христу. И в чине Ангельстем Господеви послужила еси, Манефо славная, просвещая люди во мраке неверия седящия. Умоляла еси Господа даровати страждущим исцеления. И ныне моли Христа Бога спастися душам нашим.

Ублажаем тя, преподобная мати наша Манефо, и чтим святую память твою, наставнице монахинь и собеседнице Ангелом.

Читать другие акафисты раздела "Православные акафисты"

Читайте также:

© Миссионерско-апологетический проект "К Истине", 2004 – 2016

При использовании наших оригинальных материалов просим указывать ссылку:

Благочиние

Благотворительность

25 февраля — день кончины преподобной Манефы Гомельской (в миру Мария Скопичева), подвижницы благочестия земли, одной из тех, кому Господь даровал через любовь, терпение и смирение нести миру весть о Христе. Блажен, кто пребывает в Боге, кого Он избрал и приблизил, зримо свидетельствуя о том, как «сила Божия в немощи совершается». Через таких людей спасалась земля наша, да и по сей день по их молитвам еще держится. Через схимонахиню Манефу Бог открывает нам еще одно окно в духовный мир.

1 апреля 1918 года в деревне Севруки под Гомелем в семье Владимира и Гликерии Скопичевых родилась дочь, которую нарекли Марией в честь пустынницы Марии Египетской. Однако девочка оказалась пораженной тяжелой и неизлечимой болезнью — церебральным параличом. Но Мария не пала духом. Как могла, она помогала родителям по хозяйству, научилась превосходно кроить и шить одежду. С ранних лет чуткая душа ребенка уловила смысл человеческого существования на земле: нести свой жизненный крест с терпением, покорностью, любовью к Господу и ко всем окружающим людям. Часто на маминых плечах добиралась в женский монастырь на праздничное богослужение или просто для молитвы.

Вскоре Мария поступает в число сестер Ченковского женского монастыря в честь Тихвинской иконы Божией Матери. В день праздника Преображения Господня она приняла постриг. С этого момента всю горячность своего сердца подчинила воле Божией. Позже постриг в великую схиму совершил схиигумен Макарий, один из последних Оптинских старцев, который стал для схимонахини Манефы духовным отцом.

Промыслом Божиим, свой монашеский подвиг матушка Манефа несла в миру. Её доброта притягивала к ней страждущих односельчан и людей из дальних мест. Советы монахини были просты и действенны. Главный и постоянный ее совет — возгревать в себе молитву, покаяние и милосердие. В ее словах всегда звучала сила и убежденность. Оставаясь подвижницей в трудах и добродетелях, оказывая людям молитвенную помощь и испрашивая у Господа им исцеления, она тем самым приближала людей к православной вере. Матушка Манефа никого не упрекала, не укоряла в грехах. Только искреннее сочувствие, любовь, доброжелательность и жизнерадостность источало ее сердце. И Господь обильно награждал ее духовными дарами, посещая чудесными прозрениями, которые раскрывали смысл земной жизни ее многих духовных чад.

С болью в сердце смотрела матушка на страдания людей в годы Второй мировой войны. В это время она поселилась в деревне Вишневка Терниченского сельсовета в семье верующих престарелых супругов Кизёвых. Господь отметил преподобную даром прозорливости. Во время войны на крестных ходах, которые совершались в деревне с молитвой ко Господу об ограждении воинов от смерти, матушку Манефу нередко спрашивали о судьбе мужей и отцов. Старица, как могла, утешала несчастных, потерявших родных и близких, вселяла надежду у женщин, чьи мужья и сыновья сражались с врагом на фронте. После войны матушке Манефе пришлось вернуться в родительский дом, где остался без присмотра еще не ставший на ноги и нуждавшийся в помощи племянник.

Ченковский монастырь разогнали, но живущая в миру схимонахиня Манефа по-прежнему помогала людям и своей святостью привлекала к себе страждущих односельчан и людей из дальних мест. Указания не старой годами старицы были ясны и действенны. В ее словах была такая убедительность и благодатная сила, что мало кто сомневался в матушкиных советах, которые указывали правильное направление на жизненном пути, приводили людей к вере или сильно укрепляли ее.

Подвижница веры и благочестия мирно почила 25 февраля 1984 года, оставив о себе многочисленные свидетельства знавших ее православных людей. Ежегодно 25 февраля посещают ее могилку в деревне Севруки, приносят ей свои печали и радости, просят о помощи духовной.

11 августа 2006 года святые мощи схимонахини Манефы были обретены нетленными и находятся в Свято-Петропавловском соборе г. Гомеля. В день обретения мощей и в день ее прославления установлено празднование церковной памяти преподобной Манефы Гомельской.

Также читайте:

Духовенство

Паломничества

События благочиния

Статьи о христианстве

Город Борисов

Все проповеди Текст Звук

Вопрос священнику

Отправить имя о здравии

Для поминовения о здравии на Литургии введите до 12 имен через пробел

Чтобы подать имена о здравии, кликните по ссылке

Мы также доступны

Новости благочиния

6 декабря, в день памяти святого благоверного князя Александра Невского в храме Рождества Христова г. Борисова после Божественной литургии состоялось чествование благочинного 1-го Борисовского церковного округа, настоятеля прихода протоиерея Александра Вербило с Днем Ангела и Днем рождения.

Дорогой отец Александр! От всего сердца поздравляем Вас с Днем Ангела и Днем рождения!

29 ноября в актовом зале Борисовской центральной районной библиотеки им. И.Х. Колодеева состоялась беседа насельника Свято-Успенского Жировичского монастыря иеромонаха Агапия с людьми, у которых близкие родственники страдают алкогольной и наркотической зависимостью.

19 ноября 2017 года в рамках духовно-просветительских курсов при кафедральном соборе Воскресения Христова г. Борисова была организована лекция, посвященная новомученикам и исповедникам Русской Православной Церкви.

2015 © Сайт Борисовское благочиние. Первый Борисовский церковный округ Борисовская Епархия Белорусская Православная Церковь,

активная cсылка на использованные материалы сайта обязательна, авторские материалы – только с разрешения автора

мнение администрации сайта не всегда совпадает с мнением авторов