Святая блаженная валентина минская молитва

Блаженная Валентина Минская

0, блаженная мати наша

Валентино! Якоже и во дни

земныя жизни твоея с любовию

принимала всех страждущих и

немощствующих, всех в скорбех

и болезнех сущих и молитвами

твоими целила недуги их,

такожде и нам, с верою и

умилением приходящим к тебе,

у Господа исцеления испроси.

У с л ы ш и нас недостойных,

блаженная Валентино, и принеси

наша моления ко престолу

Всевышняго, да с радостию

восхвалим Пресвятую Троицу:

Отца и Сына и Святаго Духа,

ныне и присно и во веки веков.

В семье росло еще три сестры: Анна, Ксения и Ольга. Мать девочек, София Петровна Чернявская (в дев. Свирская) происходила из священнического рода, который брал истоки от знаменитых князей Свирских, о чем имелась родословная грамота.

Детство Валентины прошло в д. Коски, на берегу реки Усы, среди живописных лугов и полей. В пятилетнем возрасте девочка посадила в Косках елочку. По сей день зеленое деревце указывает паломнику-богомольцу, где находится домик Матушки. Как и святая блаженная Матрона Московская, юная Валентина сподобилась побывать у отца Иоанна Кронштадского, беседовать с ним и получить благословение.

Летом1912г. Валентина вышла замуж за коллежского советника Феодора Васильевича Сулковского, происходившего из духовного сословия.

Расстрел мужа, близких семье людей, священников, смерть родителей, конфискация родного дома – все эти трагические события подорвали здоровье Матушки, она слегла на одр болезни, не покидая его до самой кончины.

Немало преданий связано с именем Старицы. По свидетельствам священнослужителей, записанных со слов очевидцев, Матушке во сне явилась блаженная Ксения Петербургская и благословила ее нести свой вдовий крест и крест юродства.

Еще до войны односельчане называли матушку Валентину Святой. К ней несли заболевших детей, просили помолиться, приходили за житейским и духовным советом. Незадолго до войны Блаженная предупреждала людей о грядущем бедствии. В военное время к Старице приходило множество женщин. Они просили сказать, вернутся ли их близкие с войны. Матушка Валентина всегда безошибочно отвечала на их вопросы, укрепляла в вере, призывала к смирению и упованию на Бога. «Своим духовным взором она прозревала жизнь посещавших ее людей, не спрашивая, кто за чем пришел, давала мудрые ответы даже на не высказанные вопросы», иногда это выражалось иносказательно, но человек, которого это касалось, всегда понимал, о чем идет речь.

Каждое утро Старицы начиналось с молитвы и приготовления канона. В белом кувшине, наполненном водой, Матушка размешивала варенье, мед и крошила туда просфоры и белый хлеб. Несколько часов она молилась над кувшином. От канона было множество исцелений.

Матушка была не просто смиренной молитвенницей, но и праведной обличительницей. С болью, гневом обличала она женщин, покусившихся на Божий дар материнства ,плакала от жалости к чадам, не родившимся на этот свет. Взгляд Матушки был взглядом самой совести: цепкий, пронзительный и одновременно добрый, врачующий. Она была духовной матерью простого верующего народа, матерью любящей и сердечно радеющей за спасение своих детей.

Матушка Валентина сокровенно общалась с ангельским миром. Раба Божия Татьяна, приходившая к Матушке, рассказывала о том, что среди бела дня видела ангела, стоящего у изголовья блаженной Старицы. Хотя он стоял позади нее, и Матушка не могла его видеть, она сказала Татьяне: “Ты видела ангела? Не говори никому, пока я жива. Расскажешь после моей смерти”.

Матушка Валентина преставилась ко Господу 6 февраля 1966 года. Православный мир оплакивал Старицу горькими слезами.

Уходя из земной жизни, блаженная Валентина сказала: «Приходите на мою могилку, как к живой. Всем добрым людям помогу».

Могилка Блаженной на сельском кладбище стала местом паломничества. Благодарность и любовь народа к своей молитвеннице породили всенародное её почитание.

И сегодня нет дня, чтобы могилка пустовала. Теперь служатся на ней не панихиды и литии, а благодарственные молебны. А Матушка Валентина смотрит на нас любящими глазами духовной матери не только с фотографий, но и со святых икон.

К лежащей старице несли заболевших детей, просили помолиться, приходили за житейским и духовным советом. Она лежала на топчане в окружении святых икон и пребывала в непрестанной молитве. Перед иконами горели свечи и теплились огоньки лампад, было светло и днем, и ночью.

Еще при земной жизни, многим из своих посетителей, она говорила: “Я умру, но приходите ко мне как к живой, и я вам помогу”. Данное ею обещание любвеобильно исполняется и по сей день: матушка Валентина не оставляет в своих молитвах притекающих к ее скромной могилке.

Женщина привела к матушке сына одержимого и припала к ее ногам: «Не уйду от тебя, помоги моему сыну!» По молитвам матушки сын исцелился.

Женщина по имени Надежда в первый раз ехала к матушке и с трудом ее разыскала. Когда зашла в дом, услышала звон колоколов и удивилась, как это она церковь не заметила. А матушка сказала: «Не ищи, в соборе служба кончилась».

Одна женщина находилась у матушки Валентины и слышала, как она своей хозяйке говорила: «Возьми двухлитровую миску, налей воды и положи две ложки. Идут два человека, пусть поболтают». Эти двое шли и говорили между собой: «Давай зайдем, поболтаем». Когда они зашли, матушка сказала им подать миску: «Вот вода, поболтайте».

Вспоминает Борис Николаевич Коннович: «Мне было предложено служить в церкви иподиаконом. Я не знал, что делать, и по совету знакомых поехал к матушке разрешить свои сомнения. Когда я зашел и еще не успел ничего сказать, матушка говорит: «Бог благословил вас прислуживать».

Святая блаженная валентина минская молитва

Блаженная Валентина Минская

Валентина Феодоровна Сулковская (1888 † 1966).

память 24 января / 6 февраля

Служба святой блаженной Валентине Минской

На «Господи, воззвах»: стихиры, глас 8-й:

Б лаженная Валентино богомудрая, чистая твоя душа, еще с малых лет испытавшая сладость молитвы пред Пречистым образом Богоматери, и ныне предстоящи пред лицем Святыя Троицы, испроси нам мир и велию милость.

Б лаженная мати Валентино, восприявши болезнь от Бога всех врачевала и утешала еси приходящих к тебе с мольбою. Темже и нас не остави в напастех сущих от навет вражиих.

М олитвенницу теплую видим тя, блаженная мати, мнозем бо людем к тебе притекающим, являеши в скорбех утешение, в недузех многоразличных исцеление, в нуждах сущим и страждущим присное вспоможение, и доныне в чудодействии не оскудеваеши.

Т елесныя немощи побеждающи, преуспевающи возрастом и премудростию, созидающи в себе жилище Божие Духом, сподобилася еси, мати Валентино, созерцати горний мир, отонудуже и нам подаеши милость Божию.

Слава, глас тойже:

И ныне, Богородичен, глас 6-й: «Кто Тебе не ублажит. »

Вход. Прокимен дня и чтения 3 преподобническия.

НА ЛИТИИ стихира храма, и со стиховны.

Стихиры на СТИХОВНЕ, глас 5-й:

И мущи сердце твое присно обращенное ко Господу, исполнилася еси милости и сострадания, к ищущим спасения и утешения. Темже и ныне не престаеши благодетельствовати, подающи молитвами твоими, мати Валентино, потребная ко спасению.

Стих: П раведницы во веки живут, и в Господе мзда их.

Д остойно хвалима еси на земли, целительнице немощствующих, богоблаженная Валентино, яко и по кончине твоей усердно к тебе прибегающия от недуг свобождаеши. Темже непрестанно моли, спастися душам нашим.

Стих: Н адеющиися Нань разумеют истинуи вернии в любви пребудут Ему.

Т ерпением житие твое украсившая, и уды умертвившая победила еси вражия прилоги, блаженная. Темже со всеми святыми славим, и торжествуем священную память твою, просяще обрести молитвами твоими велию милость.

И ныне. Богородичен глас тойже:

З емля неоранная явилася еси, Мати Благословенная, возрастившая нам Класс живота, от Негоже всяк ядый не умирает, якоже рече, Богородительнице, всех Питатель.

От младенства восприявши веру Христову в сердце твое, / яко мудрая дева пронесла еси чрез все житие плоды ея, / темже и Христос дарова ти силу, / целити недуги немощствующих и колеблющихся. / Мы же, прославляюще тя, блаженная мати Валентин о , вопием: // слава Давшему тебе крепость, / слава Прославльшему тя, // слава спасающему всех призывающих тя.

По 1-м стихословии СЕДАЛЕН, глас 6-й:

Т ерпением вели и м житие твое украсивши и плоть духу покоривши, победила еси вражия прилоги, во смирении же и пощении Бога взыскавши, богоблаженная.

По 2-м стихословии СЕДАЛЕН, глас 8-й:

П риидите, вернии людие, днесь мати нашу Валентину благочестно восхвалим, истинную угодницу Христову, вражия козни поправшую, ныне же со Ангелы ликовствующу и Христу непрестанно молящуюся, и с любовию той возопиим: не забуди нас, радосте наша, мати блаженная Валентино, восхваляющих и чтущих священную память твою,

По полиелеи седален, глас 4-й:

Слава, и ныне, Богородичен:

Таже степенна, 1-й антифон 4-го гласа.

Прокимен, глас 4-й: Праведницы во веки живут, и в Господе мзда их.

Стих: Н адеющиися Нань разумеют истину и вернии в любви пребудут Ему.

Евангелие от Матфея, зачало 43.

По 50-м псалме СТИХИРА, глас 6-й:

Ж итие твое, яко солнце, сердца верных озари, и многия ко стези покаяния приведе. Темже и нас светом невечерним просвети, мати Валентино, почитающих всечестную память твою.

КАНОН, глас 8-й:

Ирмос: Воду прошед яко сушу и египетскаго зла избежав, I Израильтянин вопияше: Избавителю и Богу нашему поим.

Боже Всещедрый, сподоби ны, недостойныя, принести молебное пение угоднице Твоей Валентине, нашей ходатаице и молитвеннице пред Тобою.

З акон Божий имущи в сердце своем издетска, уязвилася любовию ко Христу и Тому истово в житии своем служила еси, мати блаженная.

И збра тя Господь сосуд Духа Святаго в земли Минстей утешати страждущих и немощных, притекающих к стопам твоим.

Богородичен: А рхангельски песнь Тебе поем, Чистая: Р адуйся, Обрадованная Марие, Мати Христа Бога, присно молящаяся за род наш.

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Ж итием богоугодным и праведным освятилася еси, мати блаженная, темже и нам, с верою к тебе прибегающим, помози благодати Божия исполнится.

П розорливо усмотряя кончину воинов, на поле брани убиенных, утешала еси вопрошавших тя.

Ж изнорадостно сретающи из разных градов и весей приходящих к тебе страждущих в болезнех, исцеляла их, блаженная Валентино.

Богородичен: Н ебеснаго Творца, Богородице Всепетая, рождши, Небес пространнейшая явилася еси. Нас от пространнаго пути погибельна уклоньши, на Небесный путь настави, молюся.

К тебе, блаженная мати Валентино, яко сильной молитвеннице пред Богом, притекаем, и просим исцеления недугом душевным и телесным, и вся потребная ко спасению.

Слава, и ныне, Богородичен:

М ати Пречистая, граде Божий, избави люди Твоя от бед, и помощь подаждь противитися врагом гордым, да вопием Ти: Р адуйся, Благословенная.

Ирмос: Слышах, Господи, смотрения Твоего таинство, разумех дела Твоя и прославих Твое Божество.

С ила Божия, в немощи совершающаяся, яви тя чудную помощницу, целительницу недужных и немощных, делательницу молитвы, поющу: слава силе Твоей, Господи.

У м мой омраченный и страстьми телесными обуреваемый, твоими молитвами, блаженная мати, просвети и утиши, да выну воспою Господеви: слава силе Твоей, Боже наш.

Н едостойными усты приносимое тебе убогое хваление наше, не презри, блаженная, но приими и воспевающих память твою молитвою посети да воспоем Богу: слава силе Твоей, Господи.

Богородичен: Услыши, Пречистая Владычице, моления наша, и избави нас от насилия вражия, и глас Христов, призывающий благословенныя в Царство, услышати сподоби.

Ирмос: Просветил нас повелении Твоими, Господи, и мышцею Твоею высокою Твой мир подаждь нам, Человеколюбие.

П росвети нас, о мати Валентино, надеждею и любовию ко Господу, ныне бо зрящи Христа лицем к лицу, света неизреченнаго наслаждаешися, Тому за ны молися.

Х ристос тя озари Своим светом неизреченным в годину безбожную, тем и яви тя яко столп огнен, светяй во тьме, блаженная мати.

Я ко звезда многосветлая возсияла еси, блаженная мати, указующи истинный путь на земном пути людем ищущим Правды Божией.

Богородичен: Свет рождшая божественный и Превечный, Богоневесто, разреши мглу прегрешений наших.

Ирмос: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.

Призывающи имя Божие во спасение твое, спасению многих послужила еси. Да пребудем и мы в единении с Богом и в любви между собою, молимтися, мати Валентино.

М олитвою Небесною и по кончине твоей от недуг свобождаеши, целительнице наша безмездная, достойно хвалима еси на земли, молися о душах наших.

М олитву нашу приими, мати Валентино, да в умилении к честней иконе твоей припадем и недугов душевных и страстей телесных исцеление скоро приимем.

Богородичен: Избавителя нашего неизреченно рождшая, Пресвятая Дево, буди нам грешным прибежище спасения и вечныя жизни Споручница.

Ходатаица за немощствующих явилася еси, / на земли Минстей, блаженная Валентино, / в скорбех, бедах и напастех всех верных утешающи, / прозревающи болезни и недуги приходящих к тебе, / просим же и мы недостойнии, / твоего предстательства пред Престолом Всевышняго, // даровати нам мир и спасение душ наших.

Икос: На земли Минстей просияла еси, блаженная Валентино, и вси притекающии к тебе в скорбех, бедах и напастех обретают велие утешение, приносяще свои просьбы и воздыхания сердечная, получают облегчение и исцеления. Тем молим тя, мати наша, твоего непрестаннаго предстательства у престола Всевышняго во веки.

Ирмос: От Иудеи дошедше, отроцы, в Вавилоне иногда верою Троическою пламень пещный попраша, поющее: отцев Боже, благословен еси.

В озгореся нечестие на земли нашей, веру отеческую в людех тщащееся попалити, ты же, блаженная, приходящих к тебе научала еси верою воспевати: отцев Боже, благословен еси.

Б огопротивнии мучителие, от закона Божия отступльшии, храмы разрушиша, но ты, блаженная Валентино, утешала приходящих к тебе и подвигала еси пети: отцев Боже, благословен еси.

Страждущим людем во дни нечестия молитвами твоими, от злобожнаго языковредия неврежденным быти споспешествовала еси, научивши взывати: отцев Боже, благословен еси.

Богородичен: О троковице Дево, простри на нас милость Сына Твоего, да кромешныя тьмы избавимся мольбами Твоими, поюще: благословен еси, Господи Боже, во веки.

Ирмос: Ц аря Небеснаго, Егоже поют вои Ангельстии, хвалите и превозносите во вся веки.

П обедительница страстей явилася еси, Валентино, всякая искушения вражия побеждающи и непрестанно поющи: благословите, вся дела Господня, Господа.

Ц аря Небеснаго измлада возлюбила еси, и Тому до конца дний своих со усердием служила еси, блаженная. Ныне же с лики ангельскими присно поеши: благословите, вся дела Господня, Господа.

М нози людие, пленении безбожием, молитвами твоими, блаженная мати, на путь спасения наставила еси, дабы в вере правей воспевали Богови: благословите, вся дела Господня, Господа,

Богородичен: П обеде во бранех духовных верным пособствуеши, Пресвятая Дево, темже и всем к Тебе притекающим помощь Твою низпосли, да выну поем: благословите, вся дела Господня, Господа.

Ирмос: Воистину Богородицу Тя исповедуем, спасении Тобою, Дево Чистая, со безплотными лики Тя величающее.

Н а одре болезни лежащи, имела еси, Валентино, смирение, кротость, веру несумненну, надежду и любовь, яже к Богу, и нас сего сподоби, да с тобою Христа присно величаем.

П о гласу Божию: претерпевый до конца, той спасен будет, ты, блаженная Валентино, исполнила еси закон Господа и ныне во славе предстоиши и величаеши присно Господа.

П риими наше недостойное моление, Валентино блаженная, и ходатайствуй пред Господем за всех чтущих тя, да с тобою сподобимся в селениих райских славити Святую Троицу.

Богородичен: М ати Божия, Сияние Неизреченнаго Света, стопы наша к жизни вечней направи, прощающи вся злая, нами содеянная.

Я коже солнце светоносно возсия ныне, блаженная мати Валентино, память твоя, и озари землю Белорусскую светом неизреченным, дабы вси вернии прославляли Великаго Бога Отца, и Сына, и Святаго Духа.

Слава, и ныне, Богородичен:

Державным Твоим покровом, Пречистая, нас рабов Твоих, от наветов вражиих сохраняй всегда невредимы, Тя бо едину стяжахом надежду и утверждение.

На ХВАЛИТЕХ стихиры, глас 8-й:

В терпении страдания своя яко иго Христово светло пронесла еси, блаженная мати, и Христос тебе дарова дар недуги исцеляти и спасати всех притекающих к молитвам твоим.

П рисно в молитве пребывающи, благодати Божия исполньшися, многая люди недужныя телом, здравы сотворила еси, таже противу сил вражиих, досаждающих душам человеческим, воительница дерзновенная воистину показалася еси, Валентино блаженная.

Д несь край Минский, просвещается, Валентино, твоими зарями, и земля веселится цветы украшаема, людие же Божии вопиют: не престай молитися о всех, празднующих любовию святую память твою.

В ладычице, прими молитвы раб Твоих и избави нас от всякия нужды и печали.

Великое славословие, ектении и отпуст.

Акафист блаженной Валентине Минской

Избраннои Богом на сохранение веры Православный во дни гонений на земли Отечества нашего, хвалебное приносим ти пение, блаженная мати наша Валентино. Ты же, яко имущая дерзновение ко Господу, избави нас от зол душевных и телесных, да со умилением зовем ти:

Р адуйся, блаженная Валентино, всех приходящих к тебе скоро утешающая.

Ангела дивна Белой Руси яви тя всея твари Создатель, обрати ти люди заблуждшия на путь покаяния и призвати их на служение Истине. Темже и мы, благодаряще Бога, прославляем тя, яко просветительницу и заступницу нашу, и усердно вопием ти:

Р адуйся, пречудная избраннице Промысла Божественнаго;

Р адуйся, звездо прекрасная небосвода церковнаго.

Р адуйся, земли белорусския славное украшение;

Р адуйся, душам нашим пресладкое утешение.

Р адуйся, в ходатайствах о нас неусыпающая;

Р адуйся, пламеню молитвы неугасающий.

Р адуйся, Матерь Божию непрестанно величающая;

Р адуйся, любити всех нелицемерно Ею наученная.

Р адуйся, блаженная Валентино, всех приходящих к тебе скоро утешающая.

Созерцала еси радостно, блаженная мати, красоту мира Божия, и любовь премногую к людем имела еси, от лет детских о всем благодарящи Бога ангельскою песнию: Аллилуиа.

Разум имущи Божественный, угоднице Божия Валентино, от рождения твоего тщалася еси угождати Господу трудом, верою и молитвою. Еще младенец сущи, ель насадила еси, яже возрасте в древо крепкое во образе Креста. Мы же, видяще знамение благословения Божия на трудех твоих, гласы хвалебными взываем сице:

Р адуйся, благая отрасле корене благочестиваго;

Р адуйся, сестры имевши нрава молчалйваго.

Р адуйся, отца иерейскими молитвами в вере утвержденная;

Р адуйся, материю в любви к Богу, святым и ближним умудренная.

Р адуйся, сладость райскую чтением Слова Божия вкусившая;

Р адуйся, нежность и преданность сродникам щедро дарившая.

Р адуйся, заповедь послушания родителем кротко исполнившая;

Р адуйся, и нас ко исполнению велений Божиих призывающая.

Р адуйся, блаженная Валентино, всех приходящих к тебе скоро утешающая.

Силою Вышняго укрепленной, в путешествии с родителем твоим во град Кронштадт явися ти святый Пантелеймон и рече: "Молися непрестанно!" И абие вознесла еси к Богу чистыя детския молитвы твоя, и избавлен бысть корабль от потопления, человецы же воспеша Творцу и Спасу благодарно: Аллилуиа.

Имущи ревность многую о Господе, к пастырю Кронштадтскому притекла еси, блаженная, иже провидя в тебе избранный сосуд Божий, благослови тя, добрую отроковицу, и беседоваше с тобою. Мы же, зряще духовное восхождение твое от силы в силу, со благоговением тебе взываем:

Р адуйся, с младенства иереи окормляемая;

Р адуйся, от честных пресвитеров свято почитаемая.

Р адуйся, измлада молитву возлюбившая;

Р адуйся, непрестанно Господу трудившаяся.

Р адуйся, нерадивых и ленивых исправляющая;

Р адуйся, к делом во славу Божию побуждающая.

Р адуйся, от Христа дар врачевания приемшая;

Р адуйся, чудотвореньми Бога прославлявшая.

Р адуйся, блаженная Валентино, всех приходящих к тебе скоро утешающая.

Бури страстей избежавши, святая Валентино, и приемши благословение Божие и честных родителей, любовию и смирением созидала еси малую церковь семьи благочестивыя, подающи всем пример добродетельныя и кроткия жены, мужу помогающи и поющи Богу: Аллилуиа.

Слышавши Христоподражательную жизнь богоносных и великих отцев, со смирением и упованием на милость Божию сретила еси юдоль плачевную земную – утрату сродников и добраго супруга твоего. Чад по плоти не даде ти Господь, обаче чада духовная во множестве обретошася ти смотрением Божиим, иже тебе, духовной матери своей, усердно восклицают:

Р адуйся, благочестия учительнице;

Р адуйся, тайных согрешений обличительнице.

Р адуйся, многодетных семей покровительнице;

Р адуйся, горделивых жен пред супругами смирительнице.

Р адуйся, жены непраздныя от греха спасающая;

Р адуйся, младенцев во чреве матернем сохраняющая.

Р адуйся, гнев Божий молитвами твоими утоляющая;

Р адуйся, умы и сердца наша к Небеси устремляющая.

Р адуйся, блаженная Валентино, всех приходящих к тебе скоро утешающая.

Боготечной звезде уподобилася еси, мати Валентино: подвигу Ксении блаженныя подражающи, удостоилася ты блаженства райскаго за великое смирение твое и терпение скорбей. Ныне же в лице святых воспеваеши Богу хвалу: Аллилуиа.

Видевше тя людие, яко Ангела Божия, блаженства евангельская всем сердцем возлюбившую, притекаху к тебе, не могущей ходити, молитв от тебе ищуще. Ты же по глаголу Христову приходивших к тебе не отгоняла еси, но спасению человеческому ревностно служила еси. Научи убо и нас чистым сердцем славити Господа, тебе взывающих:

Р адуйся, святость твою притчами скрывавшая;

Р адуйся, на тайныя вопросы явно отвещавшая.

Р адуйся, жадных и скупых мягко обличающая;

Р адуйся, в добротворении верных утверждающая.

Р адуйся, цветы и пояскй с молитвою сплетавшая;

Р адуйся, сия всем приходившим раздаявшая;

Р адуйся, со Ксениею блаженною в един день величаемая;

Р адуйся, с Матроною святою богоборцы посрамляющая.

Р адуйся, блаженная Валентино, всех приходящих к тебе скоро утешающая.

Проповеднице веры Христовы и благочестия христианскаго, праведная Валентино, бури богоборческия не устрашилася еси, но подвиг исповедничества подъемши, души многих скорбящих и во мраце отчаяния пребывающих укрепляла еси, Господу поющи: Аллилуиа.

Возсияла есй в немощной плоти светом небесным, святая Валентино, егда мудрейшим юродством, терпением и страданием Христу последовала еси. Сего ради яви тя Господь источник благодати страждущим людем, егда разорени быша храмы земли Минския. Мы же ублажаем тя звании сими:

Р адуйся, в немощи человеческой силу Божию явившая;

Р адуйся, спасению народа белорусскаго послужившая.

Р адуйся, за исцеления мзду не приимавшая;

Р адуйся, чистым сердцем Господа созерцавшая.

Р адуйся, гонения за Истину подвигом юродства поправшая;

Р адуйся, в мирстей жизни высоту иночества показавшая.

Р адуйся, воли Божией себе предавшая;

Р адуйся, Господню волю открывающая.

Р адуйся, блаженная Валентино, всех приходящих к тебе скоро утешающая.

Хотя преблагий Господь страну нашу благодатию обогатити и дати образ хотящим спастися, подвиже тя Духом Святым на вельми скорбное и богоугодное житие, имже удивила еси не токмо человеков на земли, но и Ангелов на Небеси. Каждодневно тяготы людския носившая безропотно, услади любовию и наши души, да поем с тобою Богу: Аллилуиа.

Новую видяще тя избранницу Божию, издалеча течаху к тебе и пресвитеры церковнии, обретающе в тебе кладезь мудрости и Божественных откровений. Просвети убо и нас, с верою в помощь твою благодатную вопиющих сице:

Р адуйся, честное Церкве похваление;

Р адуйся, Ангела хранителя увеселение.

Р адуйся, в делании духовном подвизающихся мудро укрепляющая;

Р адуйся, Господа чисто славословит певчих научающая.

Р адуйся, строителем храмов Божиих неоскудеваемо помогающая;

Р адуйся, мольбами твоими от суеты и страстей нас избавляющая.

Р адуйся, в недоуменный час печали полезныя помыслы ниспосылающая;

Р адуйся, предстоящих тебе и молящихся от бед соблюдающая.

Р адуйся, блаженная Валентино, всех приходящих к тебе скоро утешающая.

Странники сущия на земли сей, присно нас враг искушает, да не достигнем Отечества небеснаго. Помози нам, очисти ны от всякия скверны, да исправятся путие жизни нашея, да не постыдит нас Судия на нелицемерном и страшном Суде Своем. Молися о нас, Валентино всеблаженная, да с тобою возрадуемся: Аллилуиа.

Всею мыслию у Господа водворялася еси, обаче и Матери Милующей, Царице Небесной, приносила еси пение умиленное, акафисты чести пред иконами Ея всех наставляющи. Темже тебе, теплой молитвеннице о нас к Преблагословенной, взываем, праведная Валентино:

Р адуйся, славу Приснодевы на всяк день воспевающая;

Р адуйся, чудотворныя иконы Пречистыя свято почитающая.

Р адуйся, образом Ахтырским дом твой благоговейно украсившая;

Р адуйся, Богородицы молитвами тридесятолетнее лежание понесшая.

Р адуйся, ангельскима крилома в болезни утешенная;

Р адуйся, на землй небеснаго посещения удостоенная.

Р адуйся, на ложе твоем ангельскою чистотою сиявшая;

Р адуйся, с терпением неистощимым болящим помогавшая.

Р адуйся, блаженная Валентино, всех приходящих к тебе скоро утешающая.

Все естество ангельское удивися подвигу дивнаго лежания твоего: на одре твоем, яко на высоком столпе, духом к Небеси воспаряющи, от Духа прорицающи и цельбы силою Божиею подающи, никогоже от себе тща и неутешена отпущала еси. Мы же, таковому житию твоему дивящеся, поем Всесильному Богу: Аллилуиа.

Ветия многовещанныя не возмогут воспети крепость любве твоея, блаженная, явилася бо еси чадолюбивая мати скорбящим в тяжкую годину войны, молитвы возносила еси за воинство наше, помощи и заступления у Господа просящи. И ныне умоли Его в мире страны сохраняти, сердца наша любовию наполняти, да благодарно зовем ти:

Р адуйся, жизнь и смерть воинов, защитников наших, прозревающая;

Р адуйся, ко усердной молитве за усопших сродников подвизающая.

Р адуйся, мир Христов в маловерныя души вселяющая;

Р адуйся, дыхание жизни хранити научающая.

Р адуйся, любовь ко Отечеству земному показавшая;

Р адуйся, величием подвига твоего всех удивившая.

Р адуйся, веру апостольскую проповедавшая;

Р адуйся, милосердием Царствие стяжавшая.

Р адуйся, блаженная Валентино, всех приходящих к тебе скоро утешающая.

Спастися хотяще от различных напастей мира сего, тя, праведная Валентино, многомощную молитвенницу к Богу призываем: буди нам необоримая защитница от враг видимых и невидимых и помощница в нуждах и скорбех, избави же нас ходатайством твоим от лютых бед и искушений, да славим Бога победною песнию: Аллилуиа.

Стена крепкая была еси всем во дни жития твоего, блаженная Валентино. Того ради и место погребения твоего прибежище духовное бысть чающим утешения в скорбном мире сем. Целебницу благодатную тя ведуще, приходим ныне ко святому гробу твоему, и от него цельбы безмездныя душам и телесем нашим приемлюще, благодарственное воздаем ти пение:

Р адуйся, лучами преславных чудес светло облистающая;

Р адуйся, слепым очи предивно отверзающая.

Р адуйся, лишенных смысла здравым умом снабдевающая;

Р адуйся, беснующимся избавление подавающая.

Р адуйся, вся недуги лютыя врачующая;

Р адуйся, целомудрию дети наша научающая.

Р адуйся, сердца ожесточенная умягчающая;

Р адуйся, от сетей вражиих свобождающая.

Р адуйся, блаженная Валентино, всех приходящих к тебе скоро утешающая.

Пением акафистным величаем тя, наставницу нашу, светло празднующи святую память твою. Ты же милостивно услыши малое моление сие, да и нас к лику мудрых дев сопричтет Господь Иисус Христос, радостно поющих Ему: Аллилуиа.

О ветильниче духовный, елеем благодати исполненный, под спудом не сокрытый, святая Валентино, да прославляемо будет о тебе имя Господне! Освети и нам путь ко спасению, в вере и надежде укрепи, разума и благочестия от Бога испроси, да с любовию зовем ти:

Р адуйся, образе истиннаго смирения;

Р адуйся, зерцало самоотречения.

Р адуйся, во псалмопениих духом к Небу воспарявшая;

Р адуйся, радость пасхальную в прославлении твоем даровавшая.

Р адуйся, страдания временная ни во что же вменяющая;

Р адуйся, изнемогающих во брани укрепляющая.

Р адуйся, росою Духа душу твою омывшая;

Р адуйся, цветник духовный дивно возраставшая.

Р адуйся, блаженная Валентино, всех приходящих к тебе скоро утешающая.

Благодать Святаго Духа испроси нам, блаженная Валентино, да и мы, любовию Христовою окормляеми, возможем добре ходити во свете заповедей Божиих, да будем чада единыя Святыя, Соборныя и Апостольския Церкве, веру чисту соблюдающе, единым же сердцем и едиными усты Богу воспевающе: Аллилуиа.

Поюще твоя премиогая благодеяния и страдания, ублажаем твое непостижимое терпение, мати Валентино, и чтуще святую память твою, молимся тебе: укрепи дух людей православных, даруй совершенную победу света боговедения над тьмою безбожия и приими похвальная сия:

Р адуйся, веру Православную твердо содержати наставляющая;

Р адуйся, раскол и суеверия искореняющая.

Р адуйся, теплотою Божественныя любве души согревающая;

Р адуйся, спасатися именем Иисусовым вразумляющая.

Р адуйся, души и телеса наша благодатно исцеляющая;

Р адуйся, о прославляющих тя Господа молящая.

Р адуйся, ревнителей крестных ходов сугубо награждающая;

Р адуйся, надеждою на спасение сердца верных увеселяющая.

Р адуйся, блаженная Валентино, всех приходящих к тебе скоро утешающая.

О предивная и преславная угоднице Божия, блаженная мати наша Валентино, духовным солнцем Руси Белой возсиявшая! Приими сие благодарственное моление наше, и предстоящи ныне Престолу Господа нашего Иисуса Христа, умоли Его даровати нам телесное здравие, наипаче же душевное спасение, да в день судный радостно воспоем Ему: Аллилуиа.

(Сей кондак глаголется трижды.)

Ангела дивна Белой Руси яви тя всея твари Создатель, обрати ти люди заблуждшия на путь покаяния и призвати их на служение Истине. Темже и мы, благодаряще Бога, прославляем тя, яко просветительницу и заступницу нашу, и усердно вопием ти:

Р адуйся, пречудная избраннице Промысла Божественнаго;

Р адуйся, звездо прекрасная небосвода церковнаго.

Р адуйся, земли белорусския славное украшение;

Р адуйся, душам нашим пресладкое утешение.

Р адуйся, в ходатайствах о нас неусыпающая;

Р адуйся, пламеню молитвы неугасающий.

Р адуйся, Матерь Божию непрестанно величающая;

Р адуйся, любити всех нелицемерно Ею наученная.

Р адуйся, блаженная Валентино, всех приходящих к тебе скоро утешающая.

Избраннои Богом на сохранение веры Православный во дни гонений на земли Отечества нашего, хвалебное приносим ти пение, блаженная мати наша Валентино. Ты же, яко имущая дерзновение ко Господу, избави нас от зол душевных и телесных, да со умилением зовем ти:

Р адуйся, блаженная Валентино, всех приходящих к тебе скоро утешающая.

Молитва святой Валентине:

О блаженная мати наша Валентино! Якоже и во дни земныя жизни твоея, с любовию принимала еси всех страждущих и немощствующих, всех в скорбех и болезнех сущих, и молитвами твоими целила недуги их. Такожде и ныне всем, с верою и умилением приходящим к тебе, у Господа исцеления испроси, наипаче же от падений греховных сохрани и на путь спасения настави. Услыши нас недостойных, блаженная Валентино, и принеси наша моления ко Престолу Всевышняго, да с радостию восхвалим Пресвятую Троицу: Отца и Сына и Святаго Духа, ныне и присно и во веки веков. Аминь.

Приход во имя святителя Лаврентия, епископа Туровского, чудотворца.

Минской епархии Белорусского экзархата Русской Православной Церкви. http://hramlavrenty.narod.ru/

223049 Республика Беларусь. Минский район, а/г Щомыслица, ул. Жуковского, 50. Храм свт. Лаврентия Туровского.

Настоятель храма протоиерей Александр Викторович Головин.