Православные молитва анастасии

Православные молитвы ☦

Акафист св. вмч. Анастасии Узорешительнице

(об исцелении разных недугов; об освобождении из плена и заточения; от суда и тюрьмы)

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовию взываем сице:

Радуйся, всеблаженная великомученице Анастасие, узников святая посетительнице и молитвеннице о душах наших.

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

Радуйся, возлюбившая веру Христову; радуйся, последовавшая благочестию матере твоея Фавсты.

Радуйся, соблюдшая чистоту девства твоего; радуйся, всегда невидимо охраняемая Ангелами.

Радуйся, чистотою твоею к Богу приблизившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Видящи святая Анастасия, яко мнози христиане страждут в темницах за Имя и учение Иисус Христово, начат со усердием служити им, утешати же и целити я, содействующу Богу, со благоговением поющи: Аллилуиа.

Уразуме богомудрая Анастасия, яко вся мира сего красная тлению причастна суть, и того ради презревши светлыя одежды и утвари многоценны, тайно оболкшися во одежды нищих, вхождаше в темницы послужити исповедником Христовым; мы же, мысленно споследствующе ей, взываем к ней с любовию:

Радуйся, посетительнице заключенных в темницах; радуйся, утешительнице исповедников Христовых.

Радуйся, злато и сребро твое на них расточившая; радуйся, теми стяжавшая Царствие Небесное.

Радуйся, руце и нозе святых омывавшая и власы их очищавшая; радуйся, подражательнице Христова.

Радуйся, недуги их врачевавшая; радуйся, телеса их честне погребавшая.

Радуйся, всеблаженная великомученице Анастасие, узников святая посетительнице и молитвеннице о душах наших.

Силою укрепляема свыше, святая мученице, послужи благочестно святым и посрами ненавистника всякия добродетели диавола, наустившаго рабыню открыти деяния твоя пред мужем неверным; мы же, восхваляюще благотворения твоя, Анастасие, поем вкупе с тобою: Аллилуиа.

Имущи великую любовь о Господе ко всем, в темницах страждущим за имя Христово, еяже ради множицею биена бывши от невернаго мужа, напоследок в дому его себе темницу обрете; темже мужеству ея дивящеся, вопием к ней:

Радуйся, заповедей Христовых усердная хранительнице: радуйся, не словом точию, но и делом сия исполнившая.

Радуйся, душу свою за други положити готовая; радуйся, многое озлобление за Христа приявшая.

Радуйся. терпением своим адаманту крепкому уподобившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Бурю ярости своея воздвиже на тя нечестивый мучитель муж твой, яко пленницу и рабу вмени тя, святая Анастасие; мы же, воспоминающе озлобления от него и страдания твоя, поем укреплявшему тя Господу: Аллилуиа.

Слыша блаженная Анастасия, яко много претерпе святый учитель ея Хрисогон за Христа, ему же и последова страданьми своими и тайно восписа ему сице: «Учителю! Чаю умрети и ничтоже ино остается, точию да испустивши дух, паду мертва». Мы же, чудящеся терпению твоему, глаголем сице:

Радуйся, не пощадившая плоти своея честныя; радуйся, желавшая расточити богатство твое Бога ради неимущим.

Радуйся, мудро куплю деющая; радуйся, едино имущая попечение о страждущих во узах.

Радуйся, с усердием им служившая; радуйся, небоязненно входившая в темницы.

Радуйся, невозбранно вшедшая в Чертог Небесный.

Радуйся, всеблаженная великомученице Анастасие, узников святая посетительнице и молитвеннице о душах наших.

Яко боготечная звезда явилася еси в римстей стране, великомученице Анастасие, посещающи страждущих за Христа в темницах и сердца их в вере утверждающи, да присно взывают с тобою Спасителю всех Богу: Аллилуиа.

Виде тя богоносный учитель твой Хрисогон в смущении и волнении мира сего сущу, повеле с пророком взывати тебе: «Вскую прискорбна еси, душе моя, и вскую смущаеши мя, уповай на Бога», мы же, поминающе скорбь и печаль твою, яже по Бозе, зовем ти:

Радуйся, возложившая все упование твое на Господа; радуйся, претерпевшая тесноту Царствия ради Небеснаго.

Радуйся, чистотою твоею со Ангелы жити на небесех сподобившаяся; радуйся, скорбьми твоими к Богу приблизившаяся.

Радуйся, сподобльшаяся зрети разумными очесы Господа Вседержителя; радуйся, молитвами твоими избавляющая нас от многих скорбей.

Радуйся, ходатайством твоим свобождающая от искушений.

Радуйся, всеблаженная великомученице Анастасие, узников святая посетительнице и молитвеннице о душах наших.

Проповедует весь мир христианский честныя подвиги твоя, великомученице Анастасие, и страдания твоя славит, мученическую кончину твою ублажает и поет Богу: Аллилуиа.

Возсияла еси паче солнца добродетельми твоими в великом граде Риме, егда исполнися предречение учителя твоего святаго Хрисогона о погибели безбожнаго мужа твоего. Свободна бо сущи, с вящшим усердием начала еси пещися о мученицех Христовых; мы же, взирающе с любовию на деяния твоя, глаголем ти сице:

Радуйся, усердная помощнице страждущим; радуйся, божественными словесы утешавшая друзей Христовых.

Радуйся, наставнице, имевшая велие попечение о трех девах: Агапии, Хионии и Ирине; радуйся, тех на подвиг мученичества укрепившая.

Радуйся, честная тела их на избранном месте положившая; радуйся, ум твой горе имевшая.

Радуйся, сердце твое жилище Святаго Духа соделавшая; радуйся, огнем любви к Богу всецело возгоревшая.

Радуйся, в крове крил Его небесный покров обретшая; радуйся, мужеством твоим врага спасения до конца низложившая.

Радуйся, всеблаженная великомученице Анастасие, узников святая посетительнице и молитвеннице о душах наших.

Хотение святаго Хрисогона, еже умрети за Христа, исполнися Божиим Промыслом; егда же узрела еси честныя мощи своего учителя страстотерпца, любезно их лобызающи, восплакалася еси, из глубины души износящи Богу песнь: Аллилуиа.

Новую благодать и силу дарова тебе Господь наш, егда восприяла еси подвиг преходити из града в град, посещающи во узах седящих. Мы же, последующе странствованию твоему, умильно вопием ти:

Радуйся, последовательнице стопам Христовым; радуйся, служительнице многим святым.

Радуйся, отрадо тяжко испытуемых; радуйся, надеждо ненадежных.

Радуйся, златом твоим купующая свободу верным от уз темничных; радуйся, Божественными словесы узы страха разрешающая.

Радуйся, молитвами твоими избавляющая нас уз греховных; радуйся, узорешительнице проименованная.

Радуйся, всеблаженная великомученице Анастасие, узников святая посетительнице и молитвеннице о душах наших.

Странствование твое со святою мученицею Феодотиею многим ослабу подаде: болящим дарова исцеление, многим умершим уготова погребение, живым на вящшия подвиги добродетели укрепление; нас же недостойных сподоби, святая, молитвами твоими пети разумно Богу: Аллилуиа.

Вся храмина темницы исполнися многим плачем и рыданиями твоими, егда рано притекши в ню по обычаю твоему и ни единаго же обретши от узник, за имя Христово всажденных, вси бо в нощь едину повелением злочестиваго царя смерти преданы быша; мы же, вспоминающе скорбь твою о друзех Божиих, взываем тако:

Радуйся, со усердием поискавшая в темницах рабов Христовых; радуйся, паки обретшая тех в небесных селениих.

Радуйся, вземшая с любовию на рамо свое крест Господень; радуйся, сподобльшаяся всюду зрети разумными очесы Господа Вседержителя.

Радуйся, за любовь твою к ближним велие дерзновение к Богу стяжавшая; радуйся, врачевание больным ниспосылающая.

Радуйся, Божиим велением полумертвых возставляющая; радуйся, чистотою уневестившаяся Христу.

Радуйся, великомученице прославленная.

Радуйся, всеблаженная великомученице Анастасие, узников святая посетительнице и молитвеннице о душах наших.

Нечестивии мучителие совет сотвориша на тя, страстотерпице непобедимая, хотяще приклонити тя ко идольскому служению; ты же небоязненно взывала еси к ним: «Раба Христова есмь, и пою Ему день и нощь: Аллилуиа«.

Витийствова с тобою начальнейший жрец идольский, хотяй лестию уловити святую душу твою; ты же, познавши всю хитрость вражию, посрамила еси мучителя и пременила вся злая во благая, безтрепетно взирающи на орудия мучительская и на вся муки; мы же, дивящеся мужеству твоему, зовем ти умиленными гласы:

Радуйся, отвергшая вся мира сего красная; радуйся, избравшая прияти различныя муки за Христа.

Радуйся, с любовию на смерть идти возхотевшая; радуйся, и самех мучителей терпением твоим удивившая.

Радуйся, страданиями твоими Церковь Христову украсившая; радуйся, избравшая жизнь вечную — Христа.

Радуйся, жреца идольскаго посрамившая; радуйся, демоны ногама твоима поправшая.

Радуйся, всеблаженная великомученице Анастасие, узников святая посетительнице и молитвеннице о душах наших.

Спастися всем хотящим людям споспешествуй молитвами твоими, великомученице, пред Господем и испроси разрешение грехов почитающим страдания твоя, да вопием с тобою: Аллилуиа.

Царя Небеснаго возлюби всем сердцем своим святая Анастасия и в темницу ввержена бысть за Сладчайшаго Иисуса, надолзе гладом и жаждею истаявающи и молитвою укрепляющися; темже прославляюще тоя честная страдания, возсылаем к ней пение таковое:

Радуйся, последовательнице страстем Христовым; радуйся, украсившаяся победоносною славою.

Радуйся, земною темницею в Небесный Чертог востекшая; радуйся, тамо с мученики водворившаяся.

Радуйся, молитвою твоею у Престола Божия воспоминающая нас; радуйся, узы греховныя скоро разрешающая.

Радуйся, демоны от человек прогоняющая; радуйся, разбойники на путь правды наставляющая.

Радуйся, всеблаженная великомученице Анастасие, узников святая посетительнице и молитвеннице о душах наших.

Пение всеумиленное приносим ти, прославляюще твоя за Христа страдания, и молим тя: святая страстотерпице, испроси у милостиваго Господа всем людем здравие, долгоденствие и на враги победу и одоление. Нам же, восхваляющим мучения твоя, подаждь мир и спасение, да поем Богу во веки: Аллилуиа.

Светлым и радостным лицем последовала еси на страдание, уготованное ти от мучителей, еже помышляюще с радостию зовем:

Радуйся, в темнице Иллиристийстей гладом моримая; радуйся, питавшаяся надеждою своею – Христом.

Радуйся, от потопления на мори Божиим смотрением избавльшаяся; радуйся, меж четырех столпов протяженная.

Радуйся, уподобльшаяся распятому на Кресте Сыну Божию; радуйся, жегомая огнем даже до смерти.

Радуйся, Узорешительнице, от уз и плоти разрешившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Благодать свыше ниспосли всем нам, притекающим с любовию к иконе твоей, и испроси у Господа прощение согрешений наших, болящим же и страждущим исцеление, да благодарственно вси вопием дивному во святых Богу: Аллилуиа.

Поюще подвиги твоего вольнаго мучения за Христа, покланяемся страданию твоему, великомученице досточудная, почитаем святую кончину твою и молим тя, простри твою с небесе помощь и на нас, живущих во тьме страстей и искушений и вопиющих ти:

Радуйся, великомученице святая; радуйся, принесшая тело свое в богоприятную жертву во многообразных мучениих.

Радуйся, горлице, взлетевшая во Иерусалим Вышний; радуйся, чистая и непорочная невесто Христова.

Радуйся, кадильнице духовная, фимиам молитвы о нас к Богу приносящая; радуйся, сокровищнице исцелений неоскудная.

Радуйся, чаше даров Божиих преизобильная; радуйся, всех благих желаний скорая исполнительнице.

Радуйся, светлый образе жития всем чающим спасения.

Радуйся, всеблаженная великомученице Анастасие, узников святая посетительнице и молитвеннице о душах наших.

О многострадальная и предивная святая великомученице Анастасие! Нынешнее наше малое моление приими от недостойных раб твоих, с любовию приносимое тебе, и испроси нам у Христа Бога греховных уз разрешение, да избавимся молитвами твоими гнева Божия и вечнаго осуждения, и да удостоимся в Небесном Царствии купно с тобою во веки пети Богу: Аллилуиа.

(Этот кондак читается трижды, затем 1-й икос и 1-й кондак)

Ангелом уподобилася еси разумом чистым, познавши Того, Иже есть всего видимаго и невидимаго вечное начало и единый конец желаний всех благочестивых; мы же, восхваляюще мудрое обучение твое от святаго мученика Хрисогона, с любовию вопием ти:

Радуйся, возлюбившая веру Христову; радуйся, последовавшая благочестию матере твоея Фавсты.

Радуйся, соблюдшая чистоту девства твоего; радуйся, всегда невидимо охраняемая Ангелами.

Радуйся, чистотою твоею к Богу приблизившаяся.

Радуйся, всеблаженная великомученице Анастасие, узников святая посетительнице и молитвеннице о душах наших.

Избранней угоднице Христовой, всеблаженней великомученице Анастасии похвальное пение приносим, яко имущей многое дерзновение ко Господу еже от всяких бед, скорбей и болезней свобождати верныя, и с любовию взываем сице:

Радуйся, всеблаженная великомученице Анастасие, узников святая посетительнице и молитвеннице о душах наших.

Молитва Великомученице Анастасии Узорешительнице

«О многострадальная и премудрая великомученице Христова Анастасие! Ты душею а Небеси у Престола Господня предстоиши, на земли же данною тебе благодатию различная совершаеши исцеления; призри убо милостивно на предстоящия люди и молящияся пред иконою твоею, просящия твоея помощи, простри ко Господу святыя молитвы о нас и испроси нам оставление согрешений наших, помощи в трудах милосердных, укрепления духа в служении, кротости, смирения и послушания, недужным исцеление, скорбящим и во узах сущим скорую помощь и заступление, умоли Господа, да подаст всем нам христианскую кончину и добрый ответ на Страшнем Судищи Своем, да сподобимся и мы купно с тобою славити Отца и Сына и Святаго Духа. Аминь.»

Тропарь, глас 4

Победоноснаго Воскресения истинноименитая наречена еси, мученице Христова, победы на враги поставила еси мук терпением, Христа ради, Жениха твоего, Егоже возлюбила еси. Того моли спасти души наша.

Кондак, глас 2

Во искушениих и скорбех сущии, к твоему храму притекающе, приемлют честная дарования от живущия в тебе Божественныя благодати, Анастасие: ты бо присно миру точиши исцеления.

Молитвы святым

Память: 22 декабря / 4 января

Была дочерью богатого и знатного римлянина. Всем имением своим служила узникам тюрем, среди которых было немало христиан. За милосердие и самоотверженное служение заключенные назвали ее Узорешительницей, т.е. "облегчающей оковы". Когда в ней признали христианку, то подвергли мучениям. Святой великомученице молятся об облегчении уз находящихся в заточении, об обращении ко Христу заблудших и впадших в тяжкие преступления.

Великомученица Анастасия Узорешительница

Тропарь великомученице Анастасии, глас 4

Победоноснаго Воскресения истинноименитая наречена еси, мученице Христова, победы на враги поставила еси мук терпением, Христа ради, Жениха твоего, Егоже возлюбила еси. Того моли спасти души наша.

Кондак великомученице Анастасии, глас 2

Во искушениих и скорбех сущии, к твоему храму притекающе, приемлют честная дарования от живущия в тебе Божественныя благодати, Анастасие: ты бо присно миру точиши исцеления.

Молитва великомученице Анастасии

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящиеся пред святой иконой твоей, просящия твоея помощи: простри ко Господу святыя молитвы твоя о нас, недостойных (имена), и испроси нам оставление согрешений наших, недужным исцеление, скорбящим и бедствующим скорую помощь: умоли Господа, да подаст всем нам христианскую кончину и добрый ответ на страшнем суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

Акафист великомученице Анастасии Узорешительнице:

Канон великомученице Анастасии Узорешительнице:

Житийная и научно-историческая литература о великомученице Анастасии Узорешительнице:

• Великомученица Анастасия Узорешительница – Православие.Ru

Читать другие молитвы раздела "Православный молитвослов"

Читайте также:

© Миссионерско-апологетический проект "К Истине", 2004 – 2017

При использовании наших оригинальных материалов просим указывать ссылку:

Православные иконы и молитвы

Информационный сайт про иконы, молитвы, православные традиции.

Молитва Анастасии Узорешительнице

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же посетите нашу страничку в Одноклассниках и подписывайтесь на ее Молитвы на каждый день Одноклассники. «Храни Вас Господь!».

Люди, которые за какие-либо преступления оказались в тюрьме, но понимаю свою вину и раскаиваются также, как и другие православные христиане могут надеяться на поддержку и помощь Святых Великомученников. Одной из них является Анастасия Узорешительница.

В разных источниках можно найти много свидетельств тех, кому она помогла. Чтобы понять, почему она не оставляет заключенных людей, нужно знать хоть немного о ее житие.

Великомученица была христианкой, как и ее мать, а отец — представителем веры языческой. Анастасия жила в тяжелые для христиан времена. Всю свою жизнь она посвятила помощи заключенным христианам. Тратила на это много сил, денег и времени. Хоть делала Святая это тайно ото всех, особенно мужа ее, сохранить все в секрете долго не получилось. А она только ведь хотела облегчить их страдания, чтобы заключение в темнице было хоть немного легче.

Святейшая страдала за то, что делала, за веру свою непоколебимую. Муж, узнав о ее деятельности, подверг ее избиениям и другим мерам наказания. Выдерживая все это, она только молила Бога, чтобы он ей помог. И Господь услышал ее. Совсем скоро ее супруг умер, а она смогла полностью посвятить свою жизнь помощи страждущим.

Молитва Анастасии Узорешительнице от тюрьмы

Довольно часто в нашем несправедливом мире бывает так, что людей обвиняют в том, чего они не совершали. Также они могли стать участниками какого-либо происшествия, преступления совершенно случайно или не по своей воле. В такой ситуации очень поможет действенная молитва Анастасии Узорешительнице от суда. Ее нужно читать в процессе ведения дела, тогда все решится по справедливости.

Святейшая помогает не только заключенным. Молиться Заступнице можно:

• При родах;
• За родных и близких;
• В нужде всякой;
• Перед судом и во избежания тюрьмы.

Кроме того, Святая является и покровительницей будущих матерей. Все беременные женщины могут надеяться на ее святейшую помощь при родах, а также во время вынашивания дитя. И тогда вы сможете быть уверенны, что Святейшая поможет, и у вас родится здоровое чадо.

Обращаються за покровительством к Великомученице такими словами:

«О многострадальная и премудрая великомученице Христова Анастасие! Ты душею на Небеси у Престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящия люди и молящиеся пред мощами твоими, просящия твоея помощи, простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь: умоли Господа, да подаст всем нам христианскую кончину и добрый ответ на Страшном Суде Своем, да сподобимся мы купно с тобою славити Отца и Сына и Святаго Духа во веки веков. Аминь»

Молитва Анастасии Узорешительницы об освобождении

Когда человек отбывает тюремное заключение в местах заключения свободы, он меняется не только внешне, по характеру, но и душевно. Ведь у него тогда есть время подумать о совершенном преступлении, о его грешном деянии, о жизни своей и судьбе дальнейшей.

Если человек понял, что его поступки вызвали ужасные последствия, как для него, так и для пострадавшей стороны, и он изменился, то всеми последующими поступками будет доказывать это.

В таком случае можно попросить Святейшую Анастасию о скором освобождении. Но это должен быть молебен от чистого сердца, с хорошими искренними помыслами. Ведь Господь Бог и Святые Угодники всегда за нами наблюдают. Они помогают только тем, кто действительно нуждаются в их поддержке.

Святейшая не оставляет в беде не только тех, кто отбывает наказания в тюрьмах или, кто ждет приговора. К Святой Угоднице обращаются страдающие от хвори всякой, от травм душевных и телесных. Настасья никого не оставляет в беде.

Так, что молитесь Святой Настасье, и она спасет вас от уз всяких греховных и распада душевного.

Да будет Господь с вами. Да поможет вам Святейшая Анастасия!

Смотрите так же и видео молитву к Святой Анастасии: