Молитва из псалтыря божьей матери

Данная статья содержит: молитва из псалтыря божьей матери - информация взята со вcех уголков света, электронной сети и духовных людей.

Псалтирь Божией Матери

Исповемся Тебе, Госпоже, всем сердцем моим и повем в людех вся чудеса Твоя, хвалу и славу Твою; по Господе Бозе Тебе подобает слава и Тебе да вознесется сердечный глас хвалы; кающиися бо грешницы у Бога и в Боге обретают спасение Тобою; воздохнут они смиренне и Ты, сердобольная Мати, исцеляеши сокрушение сердец их, в мире и тишине по трудех странствия своего, при Твоем утешительном предстательстве, почиют они о Господе.

На Госпожу Пречистую Деву Марию уповаю ради щедрот и милости Ея: очи Ея на нищих призирают и руце Ея к сиротам и вдовицам простерты; взыщите Ю от юности вашея и прославит вас пред лицем Бога ходатайство Ея к престолу Его, отымет множество наших грехов, милость и утешение небесное всегда Она нам приносит. О, Приснодево Преблагословенная, простри к нам крепкую десницу Твою, со благоговением ю лобызаем, и не отврати от нас лице Твое.

Песнь вместо славы

Пресвятая Дево, Мати Христа Бога нашего, смиренно молюся ти: души моея страсти лютыя исцели и прощение даруй моим многим прегрешениям, ихже безумне содеях аз. Душу и тело оскверних окаянный, увы мне, что сотворю в час он, внегда грознии Ангели душу мою разлучат от страстнаго моего телесе? Тогда Помощница ми буди и предстательница теплейшая, Тя бо имам твердую и необоримую стену, раб Твой.

Спаси мя, Мати Премилостивая, источниче благостыни и бездна щедрот; коль красны суть путие Твоя и коль мирны стези Твоя! В Тебе сияет небесная доброта чистоты, свет правды, и светлости, и истины; паче солнечнаго света одеяна еси ризами позлащенными, преиспещренными, преукрашенными красотою чистейших Твоих добродетелей; дванадесять пресветлых небесных звезд составляют венец, иже на главе Твоей: слава Тебе, всех верных христиан усердная Заступнице.

Доколе, Госпоже, забудеши мя и не избавиши мя в день скорби моея? доколе вознесется душевный враг мой на мя? Силою и властию Твоею сокруши его, буди мне, немощнейшему, Госпоже, столп крепости и оружие, сокрушающее врага, возвеличу Тя, Благодатную, сердцем и устами прославлю, яко непобедимую воеводу.

Рече безумный, адский противник в сердце своем: пожену и постигну верных Христовых и убиет их рука моя. Востани, Госпоже, предвари его, запни ему и низложи вся злыя советы его. Твоему могуществу кто противу станет? Твоей власти кто воспротиворечит? Твою матернюю любовь к верным кто пресечет? Ад трепещет святейшаго имени Твоего, мертвыя востают от силы Твоея; от единаго мановения Твоего безчисленныя кровожадныя воинства погибают; о, Приснодево Богородице! невместимаго всемогущаго Бога во утробе Твоей вместила и носила еси.

Песнь вместо славы

Радуйся, пространнейший дворе и пресветлейшая палато, Марие, Мати Христа Бога нашего: спаси певцы Твоя, яко да в бурном океане жизни сея всегда к Тебе прибегаем.

Госпоже, кто обитает в жилищи Божии, или кто вселится во святую горнюю Сионскую гору, идеже присещает свет лица Божия? Той боголюбец, иже по Бозе все упование свое на Тя едину возлагает; той боголюбец, иже во уме своем обносит всегда сладчайшее имя Твое; той боголюбец, иже воспевает чудеса и милости Твоя; той боголюбец, иже подражает смирению, кротости и целомудрию Твоему; той вселится в преблаженное жилище Божие, иже, о, Преблагословенная Приснодево Марие, величит душею Господа и радуется духом о едином Боге Спасе своем. Потечем, грешницы, потечем по стезям Матери Божией, держимся за стопы Ея крепко и не отступим молитвами от Нея, коленопреклоняяся пред святым изображением лица Ея, возводя ум на первообразное, дондеже обрящем милости Ея во благовременну помощь к наследию небеснаго обетования.

Сохрани мя, Госпоже, яко излияся на Тя неисчерпаемый ток Божией благодати, излей и на мя каплю ея; чрево бо Твое девственное, утроба Твоя чистейшая Всевышняго Бога, возлюбленнаго Сына, от Духа Святаго роди; благословени пречистии сосцы Твоя, ими же Спасителя Иисуса Христа питала еси. Исповедайте Ей хвалы, девы целомудренныя, аще токмо обрели есте благодать и милость Ея, дадите великолепие имени Ея и хвалите в век века зачатие и рождество Ея.

Услыши, Госпоже, правду мою и отжени от мене скорбь мою. Исповемся Тебе во гласе радования и воскликновения, егда излиется на мя милость Твоя; уподобитеся Ей в боголюбии и вы, святии девы Божии, прославите Ю во гласе уст и сердца вашего; сице бо Ея благодать восприяша девы мученицы и прочии, плененнии любовию сладчайшаго Иисуса, восприяша от Него нетленные райские венцы. Слава Тебе, Владычице, любящим Тя девам неотемлемое сокровище.

Песнь вместо славы

Радуйся, Мати Марие, звездо присносияющая, от Нея же солнце правды, Христос Бог наш возсия, Его же светлостию слепии прозреша. Моли за нас, грешных рабов Твоих, и многомощными Твоими молитвами помози видети Тя, возвеличенную Госпожу Ангелов, и сподобитися с ними славити Тя в горнем Сионе во веки веков, аминь.

По 2-й кафисме тропари, гл. 2

Тебе, Богородице, с верою просим, бед многих и прегрешений да избавимся, ибо инаго, Пречистая, скораго не имамы утешения, разве Тебе благоутробныя, подающия всем спасение.

Едина Бога без истления рождшая, Тебе припадаем, Приснодево, со страхом и любовию взывающе: страстей и недугов лютых избави ны

Егда душа имать разлучитися от телесе, тогда предстани ми, Богорадованная, и врагов советы разруши, ищущих поглотити мя, яко да свободився Тобою князей тьмы, части избранных сподоблюся молитвами Твоими

Пречистая Владычице Богородице! вем, яко аз сквернав и нечист, и недостоин есмь, и всякаго греха исполнен есмь. Сего ради, яко повинный, со многим стыдом и со слезами вопию Ти, Владычице моя Богородице: помилуй мя и помози ми, и утеши мя, недостойнаго раба Твоего (имя рек). Мати всякия утехи, Сына Твоего и Бога нашего молити не престай, яко грешная и окаянная моя душа сниде во глубину зол. Аз же, грешный и нечистый, помышляя о прежних и нынешних своих гресех, рех: несть злобы никоея, еяже аз, окаянный, не сотворих. Того ради ужасаюся и боюся Сына Твоего и Бога моего и праведнаго Его судища. Тем же с сокрушенным сердцем и со слезами вопию Ти: умилосердися. Владычице моя Богородице, помилуй мя, самовластным умом преступившаго оправдания и повеления Сына Твоего и Бога моего. Не остави мя погибнути в моих греховных сквернах и обычаях, но посли на мя милости Твоя богатыя. Ты бо еси милосердия и милости Мати, не презри мя гибнущаго, но обрати мя и исторгни мя из тины греховныя, якоже древле Сын Твой исторг блудницу, блуднаго сына и мытаря. Даруй ми источник слез и омый скверну грехов моих. Не отрини мене, не гнушайся мене, сквернаго, но водами щедрот Твоих угаси изгоревшую напастьми душу мою, избави мя пламени бесовскаго обдержания и от лаяния их исхити мя, да вижду Тя отгоняющую от мене во время отшествия моего темноличных бесов, предавши мя благим и светлоличным ликом святых Ангелов. Ты бо еси, Богородице, грешником спасение, отчаянным заступление и обращение, печальным утехо. Тебе бо Сын Твой, Бог наш, дарова Ходатаицу нам, призывающим Тя от всего сердца. Спаси мя, Пресвятая Богородице, недостойнаго раба, ради милости Сына Твоего и Бога нашего, аминь.

Поделиться ссылкой на выделенное

Нажмите правой клавишей мыши и выберите «Копировать ссылку»

Псалтирь Божией Матери святителя Димитрия Ростовского

С тех давних пор, как воссиял на Руси свет христианской веры, среди православных людей прочно установилось почитание Пречистой Богородицы – Матери Господа Бога нашего Иисуса Христа. В её честь сложено много хвалебных гимнов, к Ней обращаются в покаянных молитвах и у Неё же просят заступничества в житейских бедах. О своде таких молитв, получившем название “Псалтирь Божией Матери”, пойдёт разговор в нашей статье.

Ростовский святой – пастырь, проповедник и педагог

Его автором является выдающийся духовный писатель, проповедник и педагог эпохи Петра I – митрополит Ростовский и Ярославский Димитрий (Туптало). Почти через полстолетия после своей блаженной кончины, последовавшей в 1709 году, он был причислен к лику святых Русской православной церкви. О его богоизбранности неопровержимо свидетельствовали как нетленность мощей, так и многочисленные чудеса, явленные по молитвам на его могиле.

В своей земной жизни святой угодник Божий прославился, кроме пастырской и преподавательской деятельности (в Ростове им было основано славяно-греческое училище), ещё и как выдающийся духовный писатель, перу которого принадлежат многочисленные труды по изучению святоотеческого наследия и гимнографии. Одной из наиболее известных таких работ является Псалтирь Божией Матери.

Преемник царя Давида

При её составлении автор брал за основу общеизвестную Псалтирь (заметим, что это слово женского рода) – ветхозаветную библейскую книгу, авторство которой приписывается царю Давиду. Название книги не случайно происходит от наименования древнего восточного музыкального инструмента – псалтирии. Когда-то под звон её струн сыны Израилевы воспевали Бога, выведшего их из страны рабства.

Псалтирь Божией Матери Дмитрия Ростовского, так же как и творение царя Давида, разделена на двадцать кафизм – отдельных частей, включающих в себя как псалмы и хвалебные песни, так и молитвы. Разница заключается лишь в том, что древнееврейский псалмопевец обращается в своём произведении к Богу, а его российский подражатель – к Царице Небесной.

В отличие от творения царя Давида, Псалтирь Божией Матери является гораздо менее известным произведением, и даже большинство верующих и воцерковлённых людей не знает о её существовании. Причина этого явления кроется, очевидно, в том, что эта Псалтирь не включена в состав молитвенного правила и читается лишь в тех случаях, когда в том возникает духовная потребность.

Псалтирь Божией Матери как правильно читать?

Почитание Пресвятой Богородицы неотделимо от православной веры. Благодарность Матери Спасителя человечества от мрака вечной смерти испокон века выражалась в акафистах, молитвах, хвалебных песнопениях и гимнах. Именно благоговейная любовь народа подвигла некогда митрополита Ростовского и Ярославского Димитрия к написанию сборника, целиком посвящённого славословию нашей Заступницы Небесной, и озаглавленного им “Псалтирь Божией Матери”.

Как нужно читать этот свод псалмов и молитв? Об этом нет конкретного указания в церковной литературе, поскольку канонически он не включён в состав ни одного богослужения, а рассчитан исключительно на домашнее молитвословие.

Но и без посторонней помощи каждый верующий человек, руководствуясь лишь голосом своего сердца, чувствует, что псалмы, сложенные ростовским святым, способны сделаться как источником чистых покаянных слёз, так и глубоким утешением – залогом заступничества Владычицы нашей Небесной, Пресвятой Девы Богородицы.

Сила, заключённая в молитве

То, насколько ощутимое действие в каждом конкретном случае может оказать на человека Псалтирь Божией Матери, зависит лишь от самого читающего её строки или внемлющего им. Едва ли следует упоминать общеизвестную истину, что сила молитвы определяется прежде всего искренностью и верой, с которой она произносится.

Евангельские слова Иисуса Христа о том, что каждый получает по своей вере, так же актуальны сегодня, как и две тысячи лет назад. И не важно, к кому обращены молитвенные песнопения – к Нему ли Самому или к Его Пречистой Матери, имеет значение лишь вкладываемая в них глубина сердечного чувства.

Современные критики святителя Димитрия

В завершение разговора необходимо остановиться ещё на одном важном аспекте проблемы, связанной с тем, что Псалтирь Божией Матери, тект которой, хоть и составлен религиозным деятелем, прославленным в лике святых, не вошёл в перечень материалов, используемых во время церковных богослужений.

Дело в том, что, несмотря на одобрение, данное Издательским Советом Русской православной церкви, ряд современных священнослужителей скептически относятся к духовной ценности этого произведения.

Труды, проверенные временем

Такая позиция вызывает крайнее недоумение и может являться лишь следствием непонимания сути и смысла псалмов, написанных выдающимся богословом конца XVII и начала XVIII века. И в годы земной жизни святителя Димитрия Ростовского, и после блаженной кончины его сочинения неизменно получали высокую оценку даже у самых строгих критиков.

Со всей определённостью их можно отнести к тем плодам творчества, которые прошли проверку временем, а потому заслуживают нашего внимания. Следует также учесть, что они не находятся под запретом, а следовательно, нет повода исключать их из круга своего духовного чтения. Окончательное же решение каждый вправе принимать сам.

Псалтирь Божией Матери

Псалом 143

Благословенна еси, Госпоже, яко научаеши нас, рабов Твоих, на брань противу мира, плоти и диавола: противу мира, еже бы отвращати очи от прелестей его, не привязывати сердце к суетам его; противу плоти, еже бы содержати себе в целомудрии и не касатися заповеданных вещей; противу диавола, еже бы разумевати искушения его и соблазны и действию их всевозможно противитися. О, всемощная Владычице! молим Тя и молити не престанем, блесни молнию силы Твоея и разжени их, посли стрелы скораго защищения Твоего и порази их, прослави от высоты святыя славы Твоея в сей брани крепкую десницу Твою, да, воспевая, воспоем мы, раби Твои, избавльшеся от злых, силу, славу и хвалу Твою; веси, Владычице, колико мы грехопоползновенны есмы и многопотребна нам помощь Твоя; воспламени в сердцах наших желания небесныя и исполни духом сладости райския.

Псалом 144

Вознесу Тя, возлюбленную Матерь Сына Божия, и на всяк день воспою Тебе хвалы; по всей земли людие прославляют дела и милости Твои и острови мнози величают чудеса Твоя, Ангели и Архангели проповедуют святыню души Твоея и вси святии провозвещают кротость и смирение Твое; очи наши уповают на Тя, Госпоже, пошли нам брашно и пищу во благо время, алчущую же душу напитай и насыти небесною сладостию и мы, раби Твои, благословим Тя, яко премилосердную Матерь, во веки веков.

Песнь вместо славы

Радуйся, Пресвятая Приснодево Марие, возлюбленная Мати Спасителя Христа Бога нашего, кристалловидный источниче, небесными сладостями исполненный, райский вертограде, преиспещренный всеми святыми добродетелями, мысленное небо, души и сердца увеселяющее! О, прекраснейшая и преблагословенная в женах! осени мя, грешнаго, лучами благостыни Твоея, да в тишине и мире пребуду в сей стране и в сени смертней и потом, Тебе помогающей, достигну отечества небеснаго.

Псалом 145

Хвали, душе моя, Госпожу Приснодеву Марию, непрестанно хвали, дондеже обитаеши в теле сем; егда же изыдеши из темницы бренныя плоти, Она предстанет тебе, яко заступница, и в пути незнаемем будет надежная предводительница, полки лукавых бесов пред светом Ея исчезнут и проведешися без страха до врат вечнаго мира. Слава, хвала и честь Царице небесней, Яже Собою милостивно приведет нас в Царствие Небесное.

Псалом 146

Хвалите Госпожу Приснодеву Марию, яко благь есть псалом; услажденна и красна сицевая Ей хвала; сия бо есть помощница сокрушенных сердцем и умащает их благовонным миром благоволения о них; велики милости Ея, благодать и щедроты Ея не имут конца; предварите Ей в воскликновении, во исповедании псалмов пойте Ей, благоволит бо Царица небесная в прославляющих Ю и уповающих на милости Ея.

Псалом 147

Хвали, Церковь Божия, возлюбленную Матерь Спасителя Христа, прославляй Ю, новоблагодатный Сионе: сынове бо твои благословятся от Нея и распространятся от моря до моря, миром благим благоукрасятся и надежда их не постыдится, в род и род восхвалят Тя.

Песнь вместо славы

Преславная Богородице, Приснодево Марие, жизни нашея вожде, Божия благодати ходатаице, моря мира сего волнующагося благоотишное пристанище, испроси у возлюбленнаго Сына Твоего, Спасителя нашего, милость нам, грешным, да в вере, надежде и любви к Нему пребудем непоколебими и кончины христианския удостоимся.

Псалом 148

Хвалите Госпожу Марию от небес, хвалите Ю в вышних, идеже седит на престоле неприступныя славы, в ризах позлащенных одеяна и преукрашена; хвалите Ю вси человецы, и скоти, и птицы небесныя, и рыбы морския; хвалите Ю солнце и луна, хвалите Ю звезды и свет, хвалите Ю Херувими и Серафими, Престоли, Господствия и Власти, хвалите Ю вси Ангели и Архангели и вся чины воинств небесных; слава, хвала и честь Приснодеве Марии.

Псалом 149

Воспойте Госпоже нашей и Царице великой песнь новую; хвала Ея в сонме праведных, веселятся небеса о славе Ея, острови морстии и вся вселенная, вода и огнь, мраз и зной, молния и свет прославляют Ю. Возношение Ея в гортани праведных и хвалы Ея в ликах всех святых; граде Божий, Сионе небесный, торжествуй о Ней вечно в песнех хваления.

Псалом 150

Хвалите, правовернии, великую Госпожу, сильную Владычицу, небесную Царицу, премилосердную вашу Матерь, скорую помощницу, усердную заступницу, пречистую и преблагословенную Приснодеву Марию, хвалите высокия добродетели и великия чудеса Ея; хвалите Ю чины патриархов и пророков, хвалите Ю апостоли и святители, хвалите Ю мученицы и исповедницы, хвалите Ю девственницы и воздержницы, хвалите Ю пустынницы и монаси, хвалите Ю вси вернии всякаго сословия, хвалите Ю младенцы и все праведныя души небесных граждан; всякое дыхание да хвалит пресвятаго Господа, да хвалит и благодатную Приснодеву Марию, аминь.

Песнь вместо славы

Преблагословенна еси, Госпоже Марие, возлюбленная Мати Господа нашего Иисуса Христа, Иже, воплощся из Тебе, посети нас и сотвори вечное избавление нам, людем Своим, Иже Тя воздвиже от дому Давида, отрока Своего, Иже исполни Тобою клятву, еюже клятся ко отцем нашим, Аврааму и семени его даже до века, Иже низложи сильныя со престол и превознесе Тя, смиренную, на небеси и на земли; и Ты, благодатная Приснодево Марие, великая пророчица от нас именуешися, понеже предрекла еси, яко вси роди ублажат Тя, и ублажаем, и ублажати Тя не престанем. О, звездо утренняя, присносияющая на небеси и на земли, освещай нас лучами помощи Твоея во дни и в нощи, да не заблудим в конец во мраце греховныя суеты; Ты бо еси слава небесным и нам, земным, непостыдное упование; много бо может Твоя матерняя молитва на умоление о нас небеснаго Владыки, Емуже, яко Премилосердному Богу нашему, и Тебе, яко усердной Заступнице нашей, да будет от нас, грешных, честь и слава во вся веки веков. Аминь.

По 20-й кафисме тропари, гл. 8

Божественнаго света светильниче златозарный, Пренепорочная Госпоже, душу мою, омрачаемую мглою страстей, безстрастия светлостию озари, молюся, и окаянное сердце мое омый слезами покаяния: Тя бо имам надежду раб Твой.

Горесть тамошних мук и жестокость мучителей, тму несветимую и всегдашнюю, негреющий и леденящий тартар, ядоносный и неусыпающий червь, страшный скрежет зубов, пламень геенский и нестерпимое жжение, ужасный вопль и рыдание, разлучение от праведных и наследия их лишение помышляющи, содрогнися душе моя, и стенаньми и плачем Матерь Судии умоли, зовущи: Богородице, испроси ми прощение злых, к покрову Твоему с верою притекающему

Райскими добротами наслаждатися и в небесных чертогах обитати, Владычице, подаждь ми, Бога божественный чертоже, улучити же блаженный невестник сподоби и причащатися тамо славы Христовы и насыщатися сладчайших лучей и сияния неизреченныя красоты Его, яко да радуяся пою вечно со Ангелы Отца, и Сына, и Святаго Духа, Троицу нераздельную, из несущих премудре вся осуществовавшую, и Тебе присно славлю, Богопрославленная

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего: уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищь есмь и окаянен. И избави мя от многих и лютых воспоминаний и предприятий, и от всех действ злых свободи мя, яко благословенна еси от всех родов, и славится пречестное имя Твое во веки. Аминь.

К кому возопию, Владычице, к кому прибегну в горести моей, аще не к Тебе, Царице небесная? Кто плач мой и воздыхание мое приимет, аще не Ты, пренепорочная, надеждо христиан и прибежище нам, грешным? Кто паче Тебе в несчастиях защитит? Услыши стенание мое и приклони ухо Твое к молению моему. Владычице, Мати Бога моего, не презри требующаго Твоея помощи и не отрини мене, грешнаго, вразуми и научи мя, Царице небесная, не отступи от мене раба Твоего, Владычице, за роптание мое; буди мне мать и покровительница! Вручаю себя милостивому покрову Твоему, аще токмо восхощеши устроити о мне; приведи мя, грешнаго, к тихой и безмятежной жизни, да плачуся о грехах моих. Увы мне! К кому прибегну, повинный аз, аще не к Тебе, упованию и прибежищу грешных, в надежде на неизреченную милость Твою и щедроты. Кое ли слово за преступление мое изрещи возмогу к величеству славы Твоея? О, Владычице, Царице небесная! Ты мне мати и надежда, Ты мне упование и прибежище, покров, заступление и помощь! Царице моя преблагая и скорая заступнице! покрый Своим ходатайством мое преступление, защити мене от враг видимых и невидимых, умягчи сердца злых человек, возстающих на мя. О, Мати Господа моего Творца! Ты корень девства и неувядаемый цвет чистоты. О, Богородительнице! Ты подаждь мне помощь, немощствующему плотскими страстями и болезнующему сердцем: едино бо Твое и с Тобою Твоего Сына и Бога нашего имею заступление; и Твоим пречудным заступлением да оправдан буду и избавлюся от всякия беды и напасти, – всесильными Твоими молитвами, всечистая, непорочная и преславная Божия Матерь Мария. Радуйся, благодатная; радуйся, обрадованная; радуйся, преблагословенная, Господь с Тобою!

О, Пресвятая Дево, Мати Господа вышних Сил, небесе и земли Царице, града и земли нашея всемощная Заступнице! приими хвалебно благодарственное пение сие от нас, недостойных рабов Твоих, и вознеси молитвы наша к престолу Бога Сына Твоего, да милостив будет неправдам нашим и пробавит благодать Свою чтущим пречестное имя Твое и с верою и любовию покланяющимся чудотворному образу Твоему; несмы бо достойны от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего: пастырям нашим ревность и бдение о душах; градоправителем мудрость и силу; судиям правду и нелицеприятие; наставником разум и смиренномудрие; супругам любовь и согласие; чадом послушание; обидимым терпение; обидящим страх Божий; скорбящим благодушие; радующимся воздержание и всем нам – дух разума и благочестия, дух милосердия и кротости, дух чистоты и правды. Ей, Госпоже Пресвятая! умилосердись на немощныя люди Твоя: разсеянныя собери, заблудшия на путь правый настави, старость поддержи, юныя уцеломудри, младенцы воспитай и призри на всех нас призрением милостивнаго Твоего заступления; воздвигни нас из глубины греховныя и просвети сердечныя очеса наши к зрению спасения; милостива буди нам зде и тамо, в стране земнаго пришельствия, и на страшном суде Сына Твоего; преставльшияся же в вере и покаянии от жития сего отцы и братию нашу в вечной жизни со Ангелы и со всеми святыми жити сотвори; Ты бо еси, Госпоже, слава небесных и упование земных, Ты по Бозе наша надежда и заступница всех, притекающих к Тебе с верою. К Тебе убо молимся и Тебе, яко всемогущей помощнице, сами себе, и друг друга, и весь живот наш предаем ныне, и присно, и во веки веков. Аминь.

О, Пресвятая Дево, Мати Господа Вышняго, всемилостивая Заступнице и Покровительнице всех, к Тебе с верою прибегающих! Призри с высоты небесныя славы Своея на мя, припадающаго к подножию Твоему, услыши смиренную молитву мене, грешнаго и недостойнаго раба Твоего, и принеси ю пред возлюбленнаго Сына Своего. О, Преблагословенная Богородице! Ты, именуемая всех скоропослушница и скорбящих радосте, услыши и мене скорбнаго; Ты – утоление печали, утоли и моя душевныя болезни и печали; Ты – купино неопалимая, сохрани мир и всех нас от вредоносных огненных стрел вражиих; Ты – взыскание погибших, не попусти мене погибнути в бездне грехов моих; Ты целительница страждущих, исцели и мене, уязвленнаго от немощей душевных и телесных; Ты – нечаянная радосте, радостию спасения Твоего отемли от мене страх грядущаго мучения; Ты – споручница грешных, буди и мне, грешнику, благосердою споручницею покаяния и спасения моего. На Тебе по Бозе все мое упование возлагаю, буди ми выну неусыпная ходатаица и всесильная предстательница пред Сыном Твоим, Господом нашим Иисусом Христом, укрепи во мне веру в Него, утверди в любви Его, научи мене любити и славити и Тебе, Пресвятую Матерь Божию, Преблагословенную Марию: вседержавному покрову Твоему, Богородице, вручаю себе на вся веки. Аминь.

Молитва ко Пресвятей Богородице от человека, в путь шествовати хотящаго (Должна прочестися со всяким умилением и усердием)

О, Пресвятая Владычице моя, ДЕво Богородице, Одигитрие, покровительнице и упование спасения моего! Се в путь, мне предлежащий, ныне хощу отлучитися и на время сие вручаю Тебе, премилосердой Матери моей, душу и тело мое, вся умныя моя и вещественныя силы, всего себе вверяя в крепкое Твое смотрение и всесильную Твою помощь. О, благая спутнице и защитнице моя! Усердно молю Тя, да не ползок путь мой сей будет, руководствуй мя на нем, и направи его, Всесвятая Одигитрие, якоже Сама веси, ко славе Сына Твоего, Господа моего Иисуса Христа. Буди ми во всем Помощнице, наипаче же в сем дальнем и многотрудном путешествии соблюди мя под державным покровом Твоим от всяких находящих бед и скорбей, от врагь видимых и невидимых, и моли о мне, Госпоже моя, Сына Твоего Христа Бога нашего, да послет в помощь мне Ангела Своего мирна, верна наставника и хранителя, да якоже древле даровал есть рабу Своему Товии Рафаила, на всяком месте и во всякое время хранивша его в пути от всякаго зла: тако и мой путь благополучно управив и сохранив мя небесною силою, – здрава да возвратит мя, мирна и всецела к жилищу моему во славу имени Своего святаго, славяща и благословяща Его во вся дни живота моего и Тебе величающа ныне и присно, и во веки веков. Аминь.

Молитва, глаголемая предстоящими на божеств. литургии, после возгласа: Изрядно о Пресвятей.. (Из Киевскаго Молитвослова)

Богородице Дево, радуйся, благодатная Марие, Господь с Тобою: благословенна Ты в женах, и благословен плод чрева Твоего, яко Спаса родила еси душ наших.

Радуйся едина пречистая, Мати единаго Содетеля, Господа Бога и Спаса нашего Иисуса Христа: буди ми ходатаица в день страшнаго испытания, егда предстану нелицемерному Судии, яко да огненнаго прещения избавлюся молитвами Твоими, едина благословенная.

Поделиться ссылкой на выделенное

Нажмите правой клавишей мыши и выберите «Копировать ссылку»

Оценка 4.4 проголосовавших: 17
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here