Молитва божией матери умиление

Данная статья содержит: молитва божией матери умиление - информация взята со вcех уголков света, электронной сети и духовных людей.

Православные иконы и молитвы

Информационный сайт про иконы, молитвы, православные традиции.

Икона Умиление значение, в чем помогает

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же посетите нашу страничку в Одноклассниках и подписывайтесь на ее Молитвы на каждый день Одноклассники. «Храни Вас Господь!».

На этой святыни Пресвятая Богородица изображена в самое счастливое мгновение, еще до рождения своего ребенка – Иисуса, но уже после Благовещения. На фоне божественного изображения Защитница выделяется восторженными чертами лица и светлым образом. Нарисована Дева Мария со скрещенными руками в молитвенном жесте, с немного наклоненной головой и слегка полуопущенными глазами, что в свою очередь является олицетворением мягкосердечности, целомудрия и сдержанности. Запечатлена Богородица именно тогда, когда ангел Гавриил рассказывает о том, что ей предстоит произвести на свет Сына Божьего.

Первоначально икона Божьей Матери Умиление была выполнена на холсте, который крепится к доске из кипариса. Образ Святой был подарен Преподобному Серафиму Саровскому Николаем вторым. Который способен был видеть не только чистоту сердец, но и душу каждого человека, потому то, как раз таки он и мог просить исцеление для православных людей.

Горящее возле святыни масло из лампадки имело лечебные свойства, благодаря чему смазывая больных Святой Серафим, мог исцелять от разных хворей. Сам Преподобный умер прямо перед чудотворным изображением стоя на коленях.

Затем в 1991 г. лик передали Патриарху Алексею II в Москву для размещения ее в патриаршей церкви, однако для поклонения святыню ежегодно переносят в Богоявленский собор. Постепенно с божественного образа начали делать множество копий, а некоторые из них обладали не менее целебными свойствами, нежели оригинал.

В этой статье Вы узнаете значение иконы Умиление, в чем помогает чудотворный образ, молитва к Богородице, в каких храмах и церквях может находиться святыня и многое другое.

Когда устраивают празднование в честь Святого образа

Дивеевская икона Божьей Матери Умиление почитается во многих церквях и храмах, а также в ее честь устраивают празднование:

  • 22 декабря/9 (по старому стилю) – день преподобным Серафимом Девической Мельничной общины;
  • 1 августа/19 июля (старый стиль);
  • 10 августа/28 июля (по старому стилю).

В чем помогает икона Умиление Богородицы и ее значение

Чудотворный лик по сути можно считать женским, именно поэтому его в основном направлено на то, что бы оберегать и помогать прекрасной женской половине человечества. Значение иконы Умилении очень важно для многих и потому обращаясь к Святому лику молодые девушки, таким образом, могут сохранить добрый нрав, чистоту, а также целомудренность.

Также считается, что если просить поддержки у Богоматери то она обязательно поможет, главное только верить, и чем сильнее она будет, тем скорее вы получите желаемое.

О чем молятся иконе Божией Матери Умиление

  • Чудотворный образ Пречистой в первую очередь помогает освободиться от различных недугов;
  • Святыня избавит и от душевных тягостей, а также поможет преодолеть переходный возраст;
  • Молебень к Божественному изображению способна помочь в зачатии дитя, а также может облегчить родовой процесс;
  • Еще можно отметить, в чем помогает икона Умиление так это умиление злых сердец, избавлении от безнравственных мыслей и придание гармонии;
  • Девушкам образ поможет найти достойного человека и принести счастье в жизнь.

Значение иконы Богородица Умиление для многих православных очень важно, ведь сам образ отличается поразительной трогательностью, нежностью и способностью уберечь от самых тягостных уныний. Протекает оно в сердце, когда выпадают на человеческую долю суровые испытания и оберегает от значительных потрясений, и до наступления подавленного душевного состояния от череды однообразных серых будней.

Где находится икона Умиление Пресвятой Богородицы

Святыню Богоматери можно найти в Голицыно в соборе Серафима Саровского. В прошлом веке, где-то в 60-хгодах из Серафимо-Дивеевского монастыря одна из монахинь передала чудотворный список келейного образа Пресвятой Богородицы Серафима Саровского на хранение иконописцу Алексею Арцыбушеву.

Эта чудотворная икона Умиление, которая была написана в 19 веке, свыше 40 лет находилась в доме у художника, однако после он даровал святыню возводившемуся собору Преподобного Серафима Саровского (Голицыно).

Один из наиболее чтимых списков божественного изображения находится в Троицком соборе Серафимо-Дивеевского храма, в честь которой даже освятили предел. Написан же лик был где-то в конце 19 – начале 20 века монахинями монастыря. Хоть образ существует относительно недавно, однако за это время он стал широко известен благодаря своим чудодейственным свойствам.

В честь этого лика даже определили особенные дни его почитания, которые приходились на 9 декабря и 28 июля, а перед началом службы каждую неделю в воскресенье проводят церковное песнопение Параклис перед божественным изображением.

Наиболее почитаемая у православного народа святыня находится в столице в Патриаршем Богоявленском Соборе.

Чудеса сотворимые образом Девы Марии

  • Согласно летописи, в 1337 г. в Новгороде царил устрашающий мор, который забирал с каждым днем все больше и больше человеческих жизней, и не было от смертоносного недуга никакого спасения. И тогда отчаявшись, собрался весь православный народ и прошествовал в Троицкий собор, где слезно начал взывать к образу Пресвятой Богородице читая молебень о спасении от жестоких объятий эпидемии. После чего в скором времени напасть отступила, а в память об этой божественной помощи люди стали ежегодно совершать крестный поход в Троицкую обитель из Софийского Собора.
  • Были также случаи, когда образ мог мироточить, один из таких произошел 8 июля 1337 г., однако из лика не только текли слезы, но все изображение парило в воздухе, удерживаемое какой-то неведомой силой. После чего было созвано духовенство, и был совершен крестный ход в Троицкий собор для проведения службы;
  • В поселении Локоть (Брянская область) находится уникальная божественная святыня Серафимо-Дивеевской Небесной Царицы в семье Натальи и Виктора Ремезовых. Однажды к ним в дом приехала страдалица с онкологическим заболеванием, и в ближайшем времени ей предстояло перенести сложную операцию. Женщина усердно и от всего сердца молила Богоматерь об удачном исходе своего недуга, а после чего она отправилась в больницу для подготовки к оперированию. Однако после сделанного ультразвукового обследования, врачи не на шутку удивились, ведь УЗИ показало, что раковых клеток больше нет, и пациентка оказалась полностью здоровой.

Молитва иконе Божией Матери Умиление

«О, Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде и радость в печали место даруй. И избави нас, о Госпоже Владычице Богородице, от всякаго зла, и сподоби нас, грешных рабов твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь».

«Приими, всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, херувимов светлейши и серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице единому Богу и всех Создателю возсылаем, ныне и присно, и во веки веков. Аминь».

Храни Вас Господь!

Вам будет интересно посмотреть еще и видео о чудотворной иконе Умиление Божией Матери:

Молитва божией матери умиление

Как сохранить своё здоровье?

5 основных правил сохранения вашего здоровья

Адреса ведущих медицинских центров

по реабилитации опорно – двигательного аппарата

1. медицинский центр Титова Виктора Вячеславовича

г. Москва, ул. Покрышкина, д. 8, корп. 2, п. 10, м. Юго-Западная, т. +7 (499) 649-74-58 схема проезда

2. центры Бубновского Сергея Михайловича

Москва, Московская обл., Санкт-Петербург, Адлер, Днепропетровск, Екатеринбург, Ижевск, Краснодар, Махачкала, Мурманск, Новосибирск, Одесса, Пермь, Ростов-на-дону, Саратов, Самара, Тамбов, Тюмень, Уфа

Присылайте для размещения на сайте адреса и информацию о центрах Бубновского С.М. в вашем городе. Адрес почты сайта – в верхнем углу страницы.

молитва перед иконой Божьей Матери "Умиление"

День празднования 28 июля/10 августа.

Икона Пресвятой Богородицы “Умиление” Серафимо – Дивеевская принадлежала преподобному Серафиму Саровскому, была его келейной иконой. Елеем от лампады, горевшей перед иконой, преподобный помазывал больных, которые получали после помазания исцеление.

Подвижник называл этот образ – “Всех радосте Радость”, и перед ним он скончался на молитве 2 января 1833 года. На иконе изображена Пречистая Дева в момент Благовещения, когда на архангельское приветствие Она отвечает: “Се, раба Господня, да будет мне по глаголу твоему”.

С молитвой к Деве Марии перед ее иконой “Умиление” молятся о даровании покорности воли Божией, а также об исцелении душевных и телесных недугов.

Приими, Всеблагомощная, Пречистая Госпоже, Владычице Богородительнице, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь сил с нами, и Тобою Сына Божия познахом и сподобихомся причастия святаго Тела Его и пречистыя Кровей Его; темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение в Троице Единому Богу и всех Создателю возсылаем, ныне и присно, и во веки веков. Аминь.

Тропарь, глас 4-й

К Богородице со умилением припадем, вси грехми обремененнии, чудотворную Ея икону Умиления облобызающе и вопиюще со слезами: Владычице, приими моление недостойных раб Твоих и подаждь нам, просящим, велию Твою милость.

По материалам “Заступница усердная. 43 молитвы к Божией Матери перед Ее святыми иконами”.

Добавить комментарий

Тоже интересные статьи

5 полезных советов для вашего здоровья

Введите вопрос и нажмите кнопку справа

Вместе с вами на сайте

Сейчас 38 гостей и ни одного зарегистрированного пользователя на сайте

Все права защищены. При копировании любой части информации данного сайта активная ссылка http://adamzdorovie.ru/ обязательна. По вопросам размещения рекламы просьба Этот адрес электронной почты защищён от спам-ботов. У вас должен быть включен JavaScript для просмотра. . Информация и рецепты, представленные на сайте, носят исключительно рекомендательный характер. Перед применением необходима консультация лечащего врача.

© 2017 Восстановление суставов и позвоночника

Молитва Божьей Матери “Умиление”

Доброе время суток Всем! Будем рады видеть Вас на нашем видеоканале в ютубе Видеоканал . Подписывайтесь на канал, смотрите видео.

Молитва Божьей Матери “Умиление” – одна из самых красивых и значимых в мировом православии, ведь в ней отражены слова огромной благодарности Пречистой за великий подарок, который она возвела всему миру, равных которому нет и не будет никогда, — рождение Христа, что принёс всем надежду на спасение и вечную жизнь, открыл пути истинной праведности, честности и искренней благодати. Далее в статье более подробно о этом.

Молитва иконе Божьей Матери “Умиление”

Это не просто слова, обращённые к святой, это осознание её образа как самого величественного в христианстве, ибо его значение переоценить невозможно. На этой прекрасной святыне Богородица изображена в момент самого счастливого мгновения своей жизни – ещё до рождения Иисуса, но уже после святого праздника Благовещения.

На фоне яркого божественного лика Пресвятая изображена с нежными радостными чертами лица и отличается светлым образом. Руки её скрещены в молитвенном жесте, голова немного наклонена, глаза слегка полуопущены. Всё это олицетворяет мягкосердечность, целомудрие и сдержанность. А запечатлена она именно в тот момент, когда ангел Гавриил повествует о рождении ею на свет Сына Божьего, который спасёт весь мир и станет вечным символом веры.

В чём помогает Богородица “Умиление”

Изначально чудотворный образ по своей сути считается женским, и именно поэтому к его помощи часто прибегают именно женщины, возводя молитвы о здоровье и защите детей. В основном молитвы к нему были направлены на то, чтобы помогать представительницам прекрасной женской половине человечества в различных жизненных обстоятельствах.

Очень важным остаётся значение иконы и для многих молодых девушек, так обращаясь к нему, они могут сохранить доброту своего характера, чистоту помыслов и действий, а также целомудренность.

Кроме этого принято считать, что если просить поддержки у святой искренне и честно, то она обязательно поможет, ведь главное – не только понимать, но и верить, и чем эта вера сильнее и праведнее, тем быстрее человек получит ожидаемые помощь и благословение.

Чаще всего к иконе обращаются, дабы помолиться о таких житейских невзгодах:

  • излечиться от различных хворей и недугов, как физических, так и душевных;
  • освободиться от морального давления и преодолеть переходный возраст со всеми его неприятными событиями и возможными последствиями;
  • определить зачатие ребёнка (особенно если с этим были связаны определённые проблемы), а также облегчить сами процессы беременности и родов;
  • избавиться от негативных безнравственных мыслей и придаться гармонии души и тела, познав себя изнутри;
  • для молодых девушек – оказать помощь в поисках достойного человека, который принесёт в жизнь любовь и счастье, наполнит теплотой и добром.

Значение образа важно для многих христиан, ведь он является символом поразительной трогательности, нежности и умиления, что уберечь от самых тягостных мыслей и подарит радость бытия, что проникает в сердце и помогает выдержать все те испытания, которые выпадают на долю человека, даёт силы для борьбы, избавляет от всего плохого и открывает новые неизведанные пути. И основа всему этому – истинная и чистая вера в Господа, осознанная от начала и до конца.

Молитва “Умиление” Пресвятой Богородицы – честная верная, как сама жизнь, которую дала Дева Мария всему человечеству, дабы понять одну простую и важную истину – праведная вера в нас самих, открыть её – значит открыть миру и Богу себя, получив взамен вечное благословение, которому нет конца и края, ибо исходит оно из самого сердца, озаряя всё вокруг и сердца других своим светом…

Молитва перед иконой Богородицы “Умиление”, текст:

Приими, всеблагомощная, Пречистая Госпоже, Владычице Богородительнице, сия честныя дары, Тебе единой прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, Херувимов светлейши и Серафимов честнейши сущая.

И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неповрежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице единому Богу и всех Создателю возсылаем ныне и присно, и во веки веков. Аминь.

Православный Церковный календарь

Календарь на год ►

О календаре

Богослужения

Библейские чтения

Календарь

Дни особого поминовения усопших 2017

Дни поминовения новопреставленных

Подписка

Икона Богородицы « Умиление » Серафимо-Дивеевская

Празднование:

Молитвы

Тропарь Божией Матери пред иконой Ея, именуемой Умиление

К Богородице со умилением припадем,/ вси, грехми обремененнии,/ чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Кондак Божией Матери пред иконой Ея, именуемой Умиление

Юже подражая неплодную смоковницу,/ аз, окаянный, умиления плода отнюд не приношу и посечения страшуся,/ но, взирая к чудотворней иконе Твоей Умиления, Владычице,/ стеню от сердца и вопию:/ умилися, Благосердая,/ и мне, окамененному сердцем,/ благоволи подати душевное и сердечное умиление.

Молитва Божией Матери пред иконой Ее Умиление

О Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде конца покаяние, на моления наша умилосердися и радость в печали место даруй. И избави нас, о Госпоже Владычице Богородице, от всякия беды, напасти, скорби, болезни и всякаго зла, и сподоби нас, грешных рабов Твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь.

Каноны и Акафисты

Акафист первый Пресвятой Богородице пред иконой «Умиление» Серафимо-Дивеевская

Избранней от всех родов Божией Матери и Царице, умиленно молящейся за ны ко Господу и образ Умиления Своего нам даровавшей милостиво, похвальное пение и моление приносим Ти, Богородице; Ты же, яко всемилостивая наша заступница и всеблагая помощница, от всяких бед нас избави, да зовем Ти:

Радуйся, Владычице, Радосте всех радостей, Умиление и спасение душ наших.

Ангел земный и человек небесный, праведный старец Серафим икону Твою святую, Богородице Дево, яко драгоценное сокровище стяжа в своей келии, пред нею усердныя молитвы Тебе принося, Всепетая, во вся дни подвижническаго жития своего, благоумиленно «Радость всех радостей» Тя именуя и сице Тебе взывая:

Радуйся, обрадовавшая падшее человечество всесвятым Твоим рождеством; радуйся, Спасителя миру нетленно рождшая и девство сохраншая предивно.

Радуйся, Мати Дево преблагословенная; радуйся, Богородице препрославленная.

Радуйся, палато Бога Слова прекрасная; радуйся, светоносная ложнице Царя царей.

Радуйся, пророческих глаголов сбытие принесшая; радуйся, апостольския проповеди основание непоколебимое.

Радуйся, преподобных похвало и дев величание; радуйся, человеческаго рода возвышение.

Радуйся, утешение скорбящим; радуйся, исцеление болящим.

Радуйся, Владычице, Радосте всех радостей, Умиление и спасение душ наших.

Видев себе болезнию зельною одержима блаженный Серафим, усердно моляше Тя, Богородице Дево, о помощи и исцелении, и се абие предстала еси ему во свете небеснем со апостолы Петром и Иоанном Богословом и, рекши: «Сей от рода нашего есть», исцеление скоро ему даровала еси.

Разумев свое исцеление, Твоим посещением благодатным совершившееся, блаженный Серафим немолчно проповедаше, Богородице, Твою великую к нему милость, икону же Твою святую неземными руками изображенную и дивно свыше ему дарованную, благоговейно почиташе и сию благодати причастною именоваше, ейже и мы ныне поклоняющеся, сице Тебе зовем:

Радуйся, обрадовавшая избранника Божия Твоим посещением; радуйся, в недузе ему исцеление подавшая скоропредстательно.

Радуйся, присным Своего рода милостивно его нарекшая; радуйся, откровении божественными его просветившая.

Радуйся, в течение жизни его святыя многократно ему являвшаяся; радуйся, на подвиги поста и молитвы невидимо его укрепившая.

Радуйся, в пустынножитии и затворе сладкая его собеседнице; радуйся, от враг видимых и невидимых державная его заступнице.

Радуйся, и нам грешным являющая от иконы Твоея многия милости и щедроты; радуйся, и нас недостойных не лишающая Твоих благодеяний благодатных.

Радуйся, яко недуги наша врачуеши безмездно; радуйся, яко печали наша утоляеши радостотворно.

Радуйся, Владычице, Радосте всех радостей, Умиление и спасение душ наших.

Сила Божия действоваше чрез святую икону Твою, Умиление именуемую, Богородице пречистая, егда сия в келии преподобнаго Серафима исцеления верным источаше, иже прихождаху отвсюду к праведнику Божию и по вере своей, его святыми молитвами, получаху от Тебе многия дары благодатныя, благодарно поюще Богу: Аллилуиа.

Имуще веру и любовь к Тебе, Богородице, преподобный Серафим по Бозе всю надежду на Тя полагаше, икону же Твою святую благоговейно почиташе, свещи и елей пред нею возжигая и тепле моляся Тебе, да будеши ему помощница во спасение. О сем и мы Тя молим, Преблагая, и со усердием поем:

Радуйся, свеще всемирная, мрак языческий просветившая светом Христовым; радуйся, стамно всезлатая, в нейже уготовася Хлеб небесный, от Негоже вкушающии ктому не умирают.

Радуйся, деннице Солнца правды; радуйся, заре невечерняя безсмертныя Жизни.

Радуйся, падшаго человеческаго естества обновление; радуйся, древния вражды разрушение.

Радуйся, радосте, святых созерцание; радуйся, сладосте, усладившая сладость духовную.

Радуйся, облаче, росу спасительную источивый; радуйся, алавастре, мира божественнаго полный.

Радуйся, окаменелых сердец умягчение; радуйся, веры и благочестия возращение.

Радуйся, Владычице, радосте всех радостей, умиление и спасение душ наших.

Бури греховныя избежати и в тихое пристанище покаяния приити помози нам, пречистая Дево, Искупителя и Спасителя душ наших рождшая и Матернее дерзновение к Нему имущая, простри к Нему богоноснеи Твои руце и умоли Его благость вся ны помиловати и спасти, да благодарне поем Ему о Тебе славословия песнь: Аллилуиа.

Слышавше о премногих чудесех Твоих, Богородице Дево, от иконы Твоея святыя являемых верным, радуемся и мы, грешнии, яко даровала еси нам таковый благодатный залог Твоего к нам благоволения, Всеблагая, и от радостных и благодарных устен сицевое приноним Ти пение:

Радуйся, обитель дев в Матерний Твой покров милостиво приемшая; радуйся, обитель малую и убогую распространившая и духовно обогатившая.

Радуйся, обетование Твое, преподобному Серафиму о ней изреченное, верно исполнившая; радуйся, иконою Твоею в ней пребывати изволившая.

Радуйся, надеждо наша пресвятая; радуйся, Мати наша преблагая.

Радуйся, добрая младопитательнице девам; радуйся, вдов и сирот попечительнице благомилостивая.

Радуйся, заступление наше от врагов невидимых; радуйся, помощнице наша в нечаянных бедах.

Радуйся, стено, ограждающая нас от греховных соблазнов мира; радуйся, покрове, не крыющийся от нашего притекания.

Радуйся, Владычице, радосте всех радостей, умиление и спасение душ наших.

Боготечная звезда, святая икона Твоя, Богородице Дево, лучи Божия благодати невидимо испущает и души верных озаряет; сию и мы с верою и благоговением лобызающе, в скорбех утешение, в болезнех врачевство безмездное от Тебе, Владычице, приемлем и, славословяще многопетое и преблагословенное имя Твое, радостно поем Богу: Аллилуиа.

Видев праведный старец Серафим в преславный день Благовещения Твоего, Богородице, Тя пришедшую к нему в смиренную его келию со ангелы, Предтечею, Богословом и ликом святых дев, радости премирныя исполнися, и сияше лице его старческою красотою небесною, Ты же, славою Твоею божественною его озаряющи, милостиво беседовала еси с ним, яко с другом присным, обетовании благими обвеселяющи душу его и сими подвизающи нас вопити Тебе:

Радуйся, обрадованная Приснодево; радуйся, Невесто Неневестная.

Радуйся, Царице горних и дольних; радуйся, предводительнице девственных ликостояний.

Радуйся, от небесных высот посещающая земнородных; радуйся, являющая лице Твое пречистое избранником Божиим.

Радуйся, лики святых спутешествующия Тебе имевшая; радуйся, собор святых дев с Собою приведшая.

Радуйся, деве смиренней и трепещущей явления Твоего славу Твою показавшая; радуйся, беседы божественныя ея удостоившая.

Радуйся, преподобнаго Серафима посещением Твоим облагодатствовавшая; радуйся, с ним и вся ны духовно обвеселившая.

Радуйся, Владычице, радосте всех радостей, умиление и спасение душ наших.

Проповедуемо и везде похваляемо есть от верных посещение Твое, Мати Божия, егоже сподобила еси преподобнаго Серафима в день преславнаго Твоего Благовещения; сие посещение Твое всеблагое и мы днесь благоговейно воспоминающе, благодарственныя песни Тебе приносим, Пречистая, и хвалебно восклицаем Сыну и Богу Твоему: Аллилуиа.

Возсия сияние славы небесныя в смиренней келии праведнаго старца, егда от горних высот пришла еси, Богородице, с ликом святых его посетити, егоже не терпящи зрети дева, сотаинница божественнаго видения, ниц паде на землю, но милостивно ту воздвигла еси, Владычице, и премилостивыя глаголы Твоя ей прорекла еси. Таковому благоснисхождению Твоему дивящеся, с любовию и благоговением Тебе вопием:

Радуйся, Дево всеблагая, девство похвалившая деве земной; радуйся, венец Царствия Небеснаго ей и девам обещавшая за верность Жениху Христу.

Радуйся, Ангелы чтимая и певаемая от Херувим; радуйся, Архангелы окружаемая и прославляемая от Серафим.

Радуйся, Предтечу, Богослова и лик святых дев с Тобою в явлении чудесно ему показавшая; радуйся, сие явление Твое обетовании благими избраннику Божию заключившая.

Радуйся, сбытием обетований Твоих истину явления Твоего засвидетельствовавшая; радуйся, наша похвало и утверждение.

Радуйся, обителей иноческих милостивое попечение и призрение; радуйся, Церкве Христовой божественная лепота.

Радуйся, постников и преподобных тайное утешение; радуйся, христианскаго рода непостыдное упование.

Радуйся, Владычице, радосте всех радостей, умиление и спасение душ наших.

Хотящим нам, Владычице, лобызати святую всечестную чудотворную икону Твою, не возбрани нам сие грехов ради наших, но, яко многоблагоутробная Мати милостиваго Бога, не возгнушайся наших нечистых устен, но приими нас милостиво, припадающих к Тебе с любовию, дары благодатныя щедро нам подавающи от многочудеснаго Твоего образа, да зовем со умилением Триединому Богу: Аллилуиа.

Дивно и свято скончатися благоволила еси, Владычице, избраннику Твоему, блаженному Серафиму; той бо коленопреклоненный на молитве пред иконою Твоею святою предаде праведную душу свою в руце Божии и отъиде от земли на горняя созерцати славу Твою небесную и выну зрети Тя, Царице ангелов, Юже и мы земнии немолчно ублажаем и поем Ти радостно:

Радуйся, мира горняго первейшее украшение; радуйся, мира дольняго всекрепкое ограждение.

Радуйся, от небеснаго всесветлаго Твоего жилища приникающая к земнородным; радуйся, от обителей горних снисходящая во юдоль нашу многоскорбную и многогреховную.

Радуйся, отирающая слезы от очес плачущих и печальных; радуйся, вливающая отраду и утешение в сердца огорченная.

Радуйся, вдовиц неимущих некрадомое богатство; радуйся, безматерних сирот призрение и покрове.

Радуйся, иноков помощнице всеизрядная; радуйся, инокинь предстательнице всесвятая.

Радуйся, целомудрия христианскаго начало и основание; радуйся, девства пречудная красото.

Радуйся, Владычице, радосте всех радостей, умиление и спасение душ наших.

Странно есть видети икону святую, Богородице Дево, на плате написанную руками неземными, силою бо Божиею благодати преисполняется и дивная чудеса совершает благоволением Твоим, Всеблагая; сию и мы стяжавше во утешение и цельбу, благодарственно Тя славим, Владычице пречистая, и поем рождшемуся от Тебе Богу Слову ангельскую песнь: Аллилуиа.

Вся добрая и полезная даруеши нам, Богородице, от всечестнаго и многочудеснаго Твоего образа, умиляеши души наша и врачуеши болезни наша, яко воистину многоблагоутробная Мати чад Твоих о Христе Бозе, темже по долгу блажима еси от нас благохвалении таковыми:

Радуйся, от востока и запада славимая и превозносимая; радуйся, от всех христианских родов певаемая и блажимая.

Радуйся, душеполезных даров подательнице независтная; радуйся, душевных и телесных недугов целительнице благодатная.

Радуйся, безнадежных надеждо; радуйся, огорченных отрадо.

Радуйся, гонимых прибежище; радуйся, верных крепкое заступление.

Радуйся, неверных обращение; радуйся, чудесы Твоими всех удивляющая.

Радуйся, верных и неверных посещающая; радуйся, преискренне спасения всем хотящая.

Радуйся, Владычице, радосте всех радостей, умиление и спасение душ наших.

Вси роди христианстии именуют Тя, Владычице, помощницу изрядную: якоже обетовала еси при всечестнем Твоем успении не оставити нас сирых и безпомощных, тако и доднесь сие обетование всеблагое исполняеши в Церкви Христовой на земли, Богородице Дево, ущедряющи и спасающи люди, верно Тя славящия и православно поющия: Аллилуиа.

Витийство человеческое изнемогает изрещи обилие щедрот и милостей Твоих, Мати Божия, славити же Тя по достоянию изумевают сами уми безплотнии, обаче, Благая сущи, не возгнушайся и наших недовлеющих похвал, имиже, любовию к Тебе подвизаемии, дерзаем воспевати Тя сице:

Радуйся, луно полная, нощь грехов наших просвещающая; радуйся, кротким сиянием Твоим мглу страстей наших разгоняющая.

Радуйся, путеводительнице заблуждших; радуйся, вразумительнице буиих.

Радуйся, юных наставнице целомудрия; радуйся, покрове и ограждение девства.

Радуйся, обитель дев устроившая пречудно; радуйся, явльшая ей благоволение образом Твоим всечестным.

Радуйся, уповающим на Тя благий конец дарующая; радуйся, любящия и чтущия Тя не посрамляющая.

Радуйся, едина добрая и благословенная в женах; радуйся, едина чистая и непорочная Приснодево.

Радуйся, Владычице, радосте всех радостей, умиление и спасение душ наших.

Спасителю Богу плоть взаимодавшая, истинная и Пречистая Мати Божия, очисти нас, оскверненных грехи многими, иссопом молитв Твоих святых, в чистоте и целомудрии утверди и сподоби благоугодно и праведно препроводити житие сие земное, да, благоугодивше Христу Богу, унаследуем Царствие Его Небесное и со святыми воспоем Ему победную песнь: Аллилуиа.

Стена еси девам, Богородице Дево, и всем душам христианским, уневестившимся Христу Богу, яже в треволнении страстей обретают всегда крепкую Твою помощь. Молим Тя, Всеблагая, не попусти и нам грешным погибнути во блате страстей, но простри нам державную десницу Твою и возстави нас на покаяние и целомудренное житие, да благодарственно зовем:

Радуйся, пристанище тихое пловцем житейскаго моря; радуйся, прибежище благоотишное утомленных бурею страстей.

Радуйся, споручнице покаяния грешным; радуйся, кающихся с Богом примирение.

Радуйся, Судии Праведнаго умоление; радуйся, всежелательное и всесладкое святым утешение.

Радуйся, горних воинств ангельских удивление; радуйся, мученических светлых полков непрестающее величание.

Радуйся, праведных жен всевеселящее радование; радуйся, дев святых венче.

Радуйся, преподобных многопетая славо; радуйся, верных известное упование.

Радуйся, Владычице, радосте всех радостей, умиление и спасение душ наших.

Пение хвалебное приносят Ти, Богородице, дев лицы, осеняемии святою и многочудесною иконою Твоею, яко невидимыми руками в трапезу к ним дивно принесеся по обетованию и молитвам преподобнаго старца Серафима, скончавшагося пред сею иконою Твоею, Пречистая, и вручившаго сию обитель державному Твоему заступлению, о немже радующеся, поют Богу: Аллилуиа.

Светлыми лучами чудес Твоих, Богомати Владычице, озаряеши мрачныя наша души посреде суеверия и неверия наших дней и вся ны приводиши исповедати Твое всемогущество и силу, зрим бо икону Твою, Всеблагая, источающую нам милости Твоя и щедроты, и, припадающе к ней, сице Тебе вопием:

Радуйся, Православия утверждение; радуйся, веры Христовы распространение.

Радуйся, ересей и расколов посрамление; радуйся, неверия искоренение.

Радуйся, чудесы Твоими верныя утешающая; радуйся, милосердием Твоим и грешныя не оставляющая.

Радуйся, в час кончины уповающим на Тя помогающая; радуйся любящим Тя любовию святою воздающая.

Радуйся, в скорбех и бедах на помощь ускоряющая; радуйся, болезни неисцельныя врачующая.

Радуйся, скоропослушливая к молитвам смиренным; радуйся, прошения благая предваряющая исполнением.

Радуйся, Владычице, радосте всех радостей, умиление и спасение душ наших.

Благодати Божия сокровище духовное икона Твоя, Богородице Дево, облагодати обитель дев, избранником Твоим преподобным Серафимом собранную и окормленную добре; сию икону Твою, яко залог благоволения Твоего, дивно стяжавше, славим и величаем Тя, Владычице всемилостивая, и рабски вопием всех Творцу: Аллилуиа.

Поюще милосердие Твое неисчетное и многая Твоя чудеса, Дево всепетая, радуемся мы грешнии, зряще на иконе лик Твой святый, умиления преисполненный, иже и в наши души умиление вливает и к молитвам усердным привлекает, да сице Тебе взываем:

Радуйся, Ниво неоранная, Клас спасительный человеком израстившая; радуйся, лествице небесная, Еюже сниде Бог.

Радуйся, горо несекомая, усыренная Духом Святым; радуйся, скиние, селение Всевышняго.

Радуйся святая святых большая; радуйся, пеще таинственная, Угль Божества неопально приемшая.

Радуйся, хладная сердца наша любовию ко Господу воспламеняющая; радуйся, нечистоту душ наших очищающая.

Радуйся, на подвиги духовныя невидимо нас укрепляющая; радуйся, леность и уныние от нас прогоняющая.

Радуйся, исполнити веления Христова нам помогающая; радуйся, душевредныя навыки в нас искореняющая.

Радуйся, Владычице, радосте всех радостей, умиление и спасение душ наших.

О всепетая Мати! О Царице всемилостивая, Богородице преблагая, умоли Сына Твоего, Христа Бога нашего, избавити нас геенны огненныя и сподобити спасаемых части, да со избранными воспоем Ему во веки: Аллилуиа.

Этот кондак читается трижды, затем 1-й икос «Ангел земный…» и 1-й кондак «Избранней от всех родов».

О Пресвятая Дево Богородице, Христа Царя и Бога нашего Мати, умиления сокровище и милости источниче, душеспасительных даров подательнице и скорбящих душ благодатная утешительнице! К Тебе с любовию припадаем и пред святою иконою Твоею молимся: умоли, Владычице, возлюбленнаго Сына Твоего Христа Бога нашего помиловати и спасти нас, погибающих во гресех, вдохни в души наша покаяние искреннее и умиление богоугодное. Слезами очистительными омый нас от скверны греховныя и яви чисты и непорочны рабы Христовы. Вся благопотребная житию временному и вечному спасению нашему милостивно, Госпоже, нам даруй. Мир умири, святую обитель сию добре сохрани, безмятежие и изобилие плодов земных нам низпосли и на кончине живота нашего не лиши нас Матерняго Твоего заступления и помощи, да предстательством Твоим безбедно прейдем мытарства воздушная и сподобимся унаследовати Царство Небесное. Ей, Царице всеблагая, всех радостей Радосте и всего мира христианскаго утешение, помози нам ныне и тогда, егда наипаче помощи Твоея святыя востребуем, и спаси нас Матерними Твоими молитвами ко Христу Богу, Емуже со Отцем и Святым Духом подобает всякая слава, честь и поклонение ныне и присно и во веки веков. Аминь.

Акафист второй Пресвятой Богородице пред иконой «Умиление» Серафимо-Дивеевская

Разрешено Издательским Советом Русской Православной Церкви для келейного чтения

Избранная от всех родов Заступнице вселенныя, похвальный глас Твоих рабов приемши, Всеблаженная, избави нас от всяких бед, да пред иконою Твоею и мы архангельский привет поем усердною душею:

Радуйся, всем радостем Ты еси радость, Всеблаженная.

Архангел Божий Гавриил, началовождь Небесных Сил, предста Тебе, Отроковице, Совет Превечный открывая и еже «Радуйся» вещая: «Ты Мати будеши Владыце». Тому последующе верно, дерзаем вси нелицемерно воспети радостный сей глас Тебе, молящейся о нас:

Радуйся, рождшая Жизнь всем утробо; радуйся, грешнаго мира спасение.

Радуйся, Сын Твой воскресе от гроба; радуйся, Евиных слез избавление.

Радуйся, древняго змия поправшая; радуйся, узы греха растерзавшая.

Радуйся, радость женам несказанная; радуйся, Божия милости дверь.

Радуйся, Ангелов песнь непрестанная; радуйся, Богу избранная Дщерь.

Радуйся, твари всея ожидание; радуйся, грешником всем упование.

Радуйся, всем радостем Ты еси радость, Всеблаженная.

Видяще образ Твой сей «Умиление», токи целебныя всем источающий, тепле к нему притекаем смиреннии, в нуждах и скорбех спасения чающе. Ты же Христа умоли, яко Мати, всяко прошение нам даровати, яко да присно Тому воспоим песнь благодарну пред образом сим: Аллилуиа.

Разум небесный стяжа Серафим, тяжким недугом лежа одержим; Тя бо моляше болезнь исцелити. Ты же, Благая, пришедши во сне, кротце предстала ему в тишине, отроку жизнь обещавши продлити. Темже, от смерти Тобою спасенный, сладце воспе Серафим умиленный:

Радуйся, высшая неба небес; радуйся, Мати Господня святая.

Радуйся, рождшая Бездну чудес; радуйся, стамно щедрот всезлатая.

Радуйся, Ты бо нам милость являеши; радуйся, всяку болезнь исцеляеши.

Радуйся, душ и телес врачевство; радуйся, падших благое возстание.

Радуйся, горних умов торжество; радуйся, грешников к Небу воззвание.

Радуйся, Бога за нас умоляеши; радуйся, вражию сеть сокрушаеши.

Радуйся, всем радостем Ты еси радость, Всеблаженная.

Силою Вышняго дивно храним, в силу от силы в душе преспеваше в юности чистей святый Серафим. В храм Пресвятыя усердно хождаше и, умиленно молитву творя, сердцем хвалу во псалмех восписуя, Бога Всещедраго благодаря, присно пояше Ему Аллилуиа.

Имея Тя Спутницу верную в жизни, остави избранник Твой юный отчизну, в обитель Саровскую путь направляя. Слагая бо в сердце Твоя словеса, отечество мняше свое Небеса, пустынных живот на земли ублажая. И, слышав: «От нашего рода есть сей», Тебе воспеваше, надежде своей:

Радуйся, веры звездо путеводная; радуйся, Кормчая жизни моей.

Радуйся, Спутнице, к Богу доходная; радуйся, крове от бури страстей.

Радуйся, к Богу бо нас управляеши; радуйся, душу спасти вразумляеши.

Радуйся, правды стезе незаблудная; радуйся, мосте, горе возводяй.

Радуйся, нищим Помощнице чудная; радуйся, венче, сердца веселяй.

Радуйся, в Царствие нас призываеши; радуйся, двери рая отверзаеши.

Радуйся, всем радостем Ты еси радость, Всеблаженная.

Бури житейския скоро спасает Божия Мати вдовицу блаженную, жребий вручити ей Свой обещает, землю возделати благословенную. Темже, Пречистыя воли послушна, в путь неизвестный отходит вдовица, претерпевающи вся благодушно, дондеже в жребий святый водворится, Девы глагола в терпении ждущи, Богу же Сыну прилежно поющи: Аллилуиа.

Слыша вдовица глагол долгожданный, в тонцем дремании ей провещанный: «Зде есть в Дивееве место Мое, зде есть Мой жребий четвертый избранный, зде ты положиши кости твоя, девам пристанище прежде создавши». Темже вдовица, от ложа воставши, Матери Света за радость святую светло поет похвалу таковую:

Радуйся, Света обитель блаженная; радуйся, Богом избранный удел.

Радуйся, скиние Бога священная; радуйся, добрых сокровище дел.

Радуйся, милости море безбрежное; радуйся, душ тишино безмятежная.

Радуйся, вдов к чистоте окормление; радуйся, девства сосуде драгий.

Радуйся, в старости сил укрепление; радуйся, в юности жезле благий.

Радуйся, Дево Марие нетленная; радуйся, Господом благословенная.

Радуйся, всем радостем Ты еси радость, Всеблаженная.

Божия Матере гласу внимающи, храм Ея имени вдова созидает; малое стадо сирот собирающи, во благочестии тех возращает. Тако в Дивееве Божие семя в добрую землю вложися во время, плод же в терпении свой принесе, яко да мы от плода днесь вкушающе, Матерь Благую Творца небесе благодарим, о Ней песнь воспевающе: Аллилуиа.

Видевши первоначальница мати, яко обитель начат возрастати, Девы Марии словес в исполнение, малое стадо свое поручает старцем Саровским и мудро вверяет паствы духовное все окормление. И, преспевающи в жизни своей, благодарящи источник чудес, Деву Марию, за помощь с Небес, песни слагает похвальныя Ей:

Радуйся, тихая наша отрадо; радуйся, имя Тебе Умиление.

Радуйся, Мати словеснаго стада; радуйся, места сего прославление.

Радуйся, нам бо покров простираеши; радуйся, нас ко Христу собираеши.

Радуйся, девам Ты светлый чертог; радуйся, сирых от бед ограждаеши.

Радуйся, Тя бо послушает Бог; радуйся, плачущих всех утешение.

Радуйся, немощи наша терпящая; радуйся, нас во благих богатящая.

Радуйся, всем радостем Ты еси радость, Всеблаженная.

Бысть проповедница милостей всех в своем житии Александра честная. Божие Имя всегда во устех, в сердце и мысли молитва святая. Слезныя токи Тебе приношаше, Тя, Живоносный Источниче, чтущи, труд же дневный неустанно творяше, духом горящи и Богу поющи: Аллилуиа.

Возсиявающи свет благодати в дивном Дивееве, Божия Мати Свой омофор простирает над ним, козни врага и наветы людския, немощи духа и страсти плотския, нужды, обычныя людем земным, — вся утоляет Царица благая, скоро Своим сиротам помогает. Темже, поюще Тоя чудеса, радостно рцем Ей сия словеса:

Радуйся, свете спасения благостный; радуйся, чистых сердец красото.

Радуйся, совести мире, всем сладостный; радуйся, духа любве широто.

Радуйся, цветниче благоухающий; радуйся, жезле, враги устрашающий.

Радуйся, в немощи помощь всесильная; радуйся, в скорби утехо с Небес.

Радуйся, в скудости пище обильная; радуйся, вышшая всяких словес.

Радуйся, Божий бо гнев утоляеши; радуйся, милость на нас призываеши.

Радуйся, всем радостем Ты еси радость, Всеблаженная.

Хотящи оставити мир сей растленный, блаженная вкупе сирот собирает и Матере Бога удел, ей врученный, Пахомия старца блюсти умоляет; Пречистыя образ на перси приемлет и в руце Владычицы дух предает. Исполненный скорби Пахомий ей внемлет и песнь ей надгробную сице поет: Аллилуиа.

Новый Дивееву Ангел хранитель, жребия Девы и дев устроитель, послан Пречистою бысть Серафим. Купно с прехвальным Петром, с Иоанном, в келлии Дева предста несказанно, светлая, с мучениц ликом святым, благоухающи миром небесным. «Дев ты Моих не остави», — вещает, помощь ему по вся дни обещает, он же приносит Ей дар свой словесный:

Радуйся, славо пророков прекрасная; радуйся, крине удолий рая.

Радуйся, мучениц песнь велегласная; радуйся, стершая слезы моя.

Радуйся, грешных молитв не забывшая; радуйся, сирых Твоих посетившая.

Радуйся, наша пред Сыном Споручнице; радуйся, с Богом принесшая мир.

Радуйся, душ Жениховых Обручнице; радуйся, Двернице званным на пир.

Радуйся, тайны от века явление; радуйся, Дево, Тебе мое пение.

Радуйся, всем радостем Ты еси радость, Всеблаженная.

Странных видений причастник блаженный, благостный старец отец Серафим к сердцу приемлет завет незабвенный Девы Марии и, Ею водим, девам обитель особую строит; меру соборному храму дает, место святое канавкой обводит, паству Пречистыя верно пасет, правило жизни и чин полагает, Богу неленостно пети внушает: Аллилуиа.

Всецелым умом ся Христу сраспиная, блаженства рая на земли предвкушая, пояше святый, яко благ тех виновней, Марии, родившей нам Спасшаго нас, архангельский Той, еже «Радуйся», глас прилежно всегда с простотою сыновней. Тому подражая, Мариин удел доныне обходит свой древний предел, хвалу Богородице Деве поя, да радости будет причастник Тоя:

Радуйся, о Богородице Дево; радуйся, рождшая Спаса Христа.

Радуйся, Бога вместившая в чрево; радуйся, плод Твой нам Путь живота.

Радуйся, радостей вечных виновная; радуйся, славо и радость церковная.

Радуйся, девственниц чистых венчание; радуйся, иноков щедрая Мати.

Радуйся, матерей всех величание; радуйся, доме, исполнь благодати.

Радуйся, стрелы во дни угашающи; радуйся, страхи в нощи прогоняющи.

Радуйся, всем радостем Ты еси радость, Всеблаженная.

Всяких Сил ангельских, Дево, превысшую, хвалят немолчно Тя наша сердца, светлостей солнечных истинно чистшую, Тя величает вся тварь без конца. Ты же Ходатаица за нас буди к Сыну и Богу в день страшный Суда; грешных молений тогда не забуди, пети сподоби нас Богу всегда: Аллилуиа.

Витий многогласных не может язык воспети достойно Твой сладостный лик, о Дево и Мати Владыки Небес. Даров Твоих чудных и сил умножение сердца исполняет росы умиления, дает очесем всех источники слез. Твой образ святый со свещею горящею всегда веселяше взор старца молящаго, егда на колена склонився пред ним, усердно хваляше Тя пением сим:

Радуйся, всех безнадежных надеждо; радуйся, сердцу росо умиления.

Радуйся, правды лишенных одеждо; радуйся, всем нам источник спасения.

Радуйся, демонский лик низлагаеши; радуйся, грозно бесом запрещаеши.

Радуйся, духом унылых возстание; радуйся, палице спящим во зле.

Радуйся, стропотных душ наказание; радуйся, вся бо возможна Тебе.

Радуйся, в горьких работах всем сладость; радуйся, Мати, скорбящим всем радость.

Радуйся, всем радостем Ты еси радость, Всеблаженная.

Спасительно постными сеяв слезами, жнет в радости старец от Девы вещание: «Ты скоро, любимиче, будеши с нами». И духом покоен, в живом уповании, отход свой от мира предуготовляет. Устав свой молитвенный и наставления хранити сирот своих он поучает: «От днесь вам Благая едина хранение; вы многия пестуны имате, чада, отец же не будет разве мене, на гробе моем ищите отрады, и в нуждах и в скорбех идите ко мне; и верую, даст вам Господь утешение, да присно восходит от вас Ему пение: Аллилуиа».

Стена еси девам, Пречистая Дево, от вражиих козней, от нужды и гнева, Тебе бо вручи нас святый Серафим. И в час испытания дух наш смятенный к Тебе мы возносим в молитве смиренней: о, буди Помощница сирым Твоим, да весело хвалим Тя, Присноблаженную, всемирную славу, хвалу неизменную:

Радуйся, верных Твоих утверждение; радуйся, крепкая сирых стено.

Радуйся, Церкве святыя хваление; радуйся, горним умом глубино.

Радуйся, цвете наш неувядаемый; радуйся, граде Царя прославляемый.

Радуйся, лествице, к Богу возведшая; радуйся, облаче легкий Христов.

Радуйся, росу руно произведшее; радуйся, всем Ты готовый покров.

Радуйся, наша надеждо известная; радуйся, дев похвало неневестная.

Радуйся, всем радостем Ты еси радость, Всеблаженная.

Пение всякое днесь побеждается множеством благодеяний Твоих; милость Твоя на весь мир простирается, славо небесных и радость земных. Гласа бо Матере богоприятнаго Сын Твой послушает, Дево, всегда. Радость всем радостем Ты, Благодатная, — звати мы не умолчим никогда. Тако бо зваше Тебе преподобный, Богу поя, наш предстатель загробный: Аллилуиа.

Света открыся чертог вожделенный старцу, в молитве к Тебе восхищенну, Дево, пред образом сим «Умиление». В руце пречистеи душу святую Ты восприяла еси во иную жизнь безконечную в райских селениях. Плакаху чада, отца их лишенная, новым же знанием умиленная милости к старцу Твоей, растворяюще слезы надгробныя песнею красною, Тя величаху хвалою согласною, Матерь едину Тебе разсмотряюще:

Радуйся, темныя власти стенание; радуйся, праведных душ торжество.

Радуйся, вратников ада рыдание; радуйся, Тя бо поет естество.

Радуйся, князя мытарств низложившая; радуйся, демонов гордость смирившая.

Радуйся, имя, святым вожделенное; радуйся, в смертный Помощнице час.

Радуйся, радость нам неизреченная; радуйся, в час той услыши наш глас.

Радуйся, наших сердец умиление; радуйся, Бога умилостивление.

Радуйся, всем радостем Ты еси радость, Всеблаженная.

Благодатный залог в ограждение, чадом дивеевским старец остави образ Пречистыя сей «Умиление». Сам же пресветло ликуя во славе, Матерь Небесную молит усердно сирых его соблюсти милосердно, да не воздремлют уныния сном, но да елеем свещу напояюще, внидут в чертог со своим Женихом, вечную Ангелов песнь воспеваюше: Аллилуиа.

Поем днесь Твою, Богородице, славу и милость ко грешным, на бесы державу; вси празднуем светло Твоя чудеса. Безмерно Тя всю освятив, Непорочная, Бог людем постави Тя в крепость всемощную: Тебе бо внимают Того ушеса. Тобою спасаеми вси ежечасно, приносим Ти песнь таковую согласно:

Радуйся, жизни сокровище вечныя; радуйся, правды ковчеже святый.

Радуйся, людем хвало безконечная; радуйся, свещниче веры златый.

Радуйся, Божие благоволение; радуйся, всех человеков спасение.

Радуйся, мученик всех дерзновение; радуйся, песнь преподобных Твоих.

Радуйся, праведных жен украшение; радуйся, краю желаний благих.

Радуйся, церкве хоругвь пречестная; радуйся, грешным нам Мати благая.

Радуйся, всем радостем Ты еси радость, Всеблаженная.

О Мати Всепетая, всем во спасение даждь, Всеблагая, сердец умиление, да Божиим страхом всегда ограждаеми, избегнем губительных сетей борца, и тако Твоими мольбами спасаеми, во веки восхвалим благаго Творца: Аллилуиа.

Этот кондак читается трижды, затем 1-й икос «Архангел Божий. » и 1-й кондак «Избранная от всех родов…».

О Пресвятая Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде конца покаяние, на моления наша умилосердися и радость вместо печали даруй. И избави нас, о Госпоже Владычице Богородице, от всякия беды, напасти, скорби, болезни и всякаго зла, и сподоби нас, грешных рабов Твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в бесконечныя веки. Аминь.

Канон Пресвятой Богородице пред иконой «Умиление» Серафимо-Дивеевской («Всех радостей Радость»)

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло, торжествуя, и воспою, радуяся, Тоя чудеса.

Припев: Пресвятая Богородице, спаси нас.

Умилися, умилостивися, умилосердися, Владычице, на мя, грешнаго и недостойнаго раба Твоего, дерзающаго воспети Твоя чудеса.

Пресвятая Богородице, спаси нас.

Мати Божия Пречистая, не отрини мене, окаяннаго и нечистаго, дерзающаго пети Твоя чудеса, Умиление.

Слава: Инаго прибежища и теплаго предстательства к Сыну Твоему и Богу нашему не имам, Всепетая, темже сподоби мя, многогрешнаго, восхвалити Твоя чудеса.

И ныне: Леностию одержимь и страстьми обуреваемь есмь аз, неключимый раб Твой, Владычице, недоумею по достоянию восхвалити и прославити Твоя чудеса.

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

Пресвятая Богородице, спаси нас.

Един аз, окаянный, житием согреших паче всех человек, Пречистая, но, на щедроты Твоя уповая, зову: душевнаго мя умиления сподоби.

Пресвятая Богородице, спаси нас.

Никтоже, прибегаяй с верою под Божественный Покров Твой, Владычице, тощь от Тебе исходит, темже и аз, многогрешный, дерзая, зову: Божественнаго мя умиления сподоби.

Слава: Иаков, лествицу Божественную видев, рече: степень Божия сия, Яже еси Ты, Препетая; темже молю Тя: благаго восхождения к добродетели и мене, люте недостойнаго, сподоби.

И ныне: Юже всем благопослушную в скорбех и обстояниих душевных и телесних яви Тя Господь, Богородице Благая, тако и мне, люте обуреваемому страстьми безместными, слезы умиления подаждь и Твоего, Дево, Матерняго заступления сподоби.

Господи, помилуй (трижды).

Седален, глас 5-й

Превзыдоша главу мою греси мои, Владычице, осквернен ими есмь, и несть исцеления в плоти моей, но Ты, Многоблагоутробная, даруй души моей слезы покаяния на очищение скверн греховных и телесныя недуги уврачуй, Врача всяческих и Господа рождшая.

Слава, и ныне: Раны душевныя привлекоша на мя и болезни телесныя, Владычице, но Ты, яко Премилостивая, обоя исцели, подавающи мне неоскудный дар духовнаго умиления, и да непрестанно славлю Твое всемощное заступление.

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Пресвятая Богородице, спаси нас.

Идеже осенит благодать Твоя, Владычице, тамо всякая скорбь потребляется, веселие же водворяется, еяже и мене, недостойнаго, сподоби, вопиюща: радуйся, Богородице, всех радостей Радосте.

Пресвятая Богородице, спаси нас.

Слез не имам, окаянный аз, ниже душевнаго умиления, но Сама, яко Милосердая, сия ми подати благоволи, да взываю: радуйся, Дево Пречистая, всех радостей Радосте.

Слава: Немощна мя суща и окаянна струпы греховными, уврачуй, Пречистая, милосердия Твоего елей изливающи, и воздвигни пети Тебе: радуйся, Владычице, всех радостей Радосте.

И ныне: Омрачихся умом в житейских сластех, но Ты, Владычице, свете помраченныя души моея, разгони тьму страстей моих, да просвещся Тобою, вопию: радуйся, Невесто Неневестная.

Ирмос: Ужасошася всяческая о Божественней славе Твоей, Ты бо, Неискусобрачная Дево имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Пресвятая Богородице, спаси нас.

Доколе поносит враг и низлагает долу мя, немощнаго и разслабленнаго люте душею и телом: умилися, Владычице, и низложи борющих мя врагов, Всепетая, души моей мир подавающи.

Пресвятая Богородице, спаси нас.

Вышши всех Ангел и Архангел явилася еси, Чистая Богоотроковице, темже молю Тя, стрелы вражия, на мя изощренныя, сокрушити, душе мир подавающи.

Слава: Доколе, душе моя, пребываеши в прегрешениих, конца не имущи греховному обычаю, возникни из глубины зол, взирающи державному заступлению Пречистыя, всегда на помощь тебе скорыя и благодатию Своею мир души и телу подавающия.

И ныне: Радость, и веселие, и радование Божественное, Дево Неискусомужная, нам умножися Божие: се бо, плачущиися люте, радуемся молитвами Твоими.

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Пресвятая Богородице, спаси нас.

Радости Божественного величия, яко от начала нам веселия, благодарения гласы приносим, прилежно почитающе Ю, яко Предстательницу нашу.

Пресвятая Богородице, спаси нас.

Достойно Ти песнь радования, Чистая Дево, веселящеся, приносим, избавльшеся от бед Твоими молитвами.

Слава: Ангельстии языцы достойно Твоя хвалы воспети не могут, Чистая, мы же ныне, рабски вземшеся, радование Гавриилово приносим Ти.

И ныне: Яко Божественное прибежище, мы покров Твой вси стяжавше к Богу, в напастех, и в гонениих, и гресех к Тебе прибегаем и Тобою изменение приемлем, Пречистая.

Господи, помилуй (трижды). Слава, и ныне:

Юже подражая неплодную смоковницу, аз, окаянный, умиления плода отнюд не приношу и посечения страшуся, но, взирая к чудотворней иконе Твоей Умиления, Владычице, стеню от сердца и вопию: умилися, Благосердая, и мне, окамененному сердцем, благоволи подати душевное и сердечное умиление.

Превзыдох грехи моими блудницу, и блуднаго, и мытаря, и разбойника, и ниневитяны, аз един, окаянный паче всех человек, и, лишився благодати и дерзновения ко Господу, стеню от сердца и вопию: Тя Ходатаицу и Споручницу спасения многогрешней души моей благосотвори, подающи ми душевное и сердечное умиление.

Ирмос: Не послужиша твари Богомудрии паче Создавшего, но, огненное прещение мужески поправше, радовахуся, поюще: препетый отцев Господь и Бог, благословен еси.

Пресвятая Богородице, спаси нас.

Реку неисчерпаемую милости Твоея к грешным всем, Владычице, изливаеши, темже молю: напои мою жаждущую душу и иссохшее грехи сердце мое ороси, да, благословя, воспою: препетый отцев Господь и Бог, благословен еси.

Пресвятая Богородице, спаси нас.

Яже всем благопослушная в скорбех и обстояниих душевных и телесных, Владычице, не отвержи и мене, недостойнаго, но сподоби пети: отцев Господь и Бог, благословен еси.

Слава: Не отрини, Богородице, мене, уязвленнаго советом змииным, не возгнушася мене, смраднаго грехи многими, но сподоби всегда пети: отцев Господь и Бог, благословен еси.

И ныне: Егда престоли на Суд поставятся и Судищу Христову предстанут вси земнороднии, тощи яви мне, Владычице, Матернее Твое заступление и неоскудную помощь, вопиющу: отцев Господь и Бог, благословен еси.

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела и превозносите Его во вся веки.

Пресвятая Богородице, спаси нас.

Страха мя избави, о Владычице, злобы и воздушных мытарств. Покажи на мне, недостойнем, велию милость Твою, воспевающем: Господа пойте, дела, и превозносите Его во вся веки.

Пресвятая Богородице, спаси нас.

Избави мя, Пренепорочная, озлобления злых человеков и лукавых бесов, трепещут бо имене Твоего великаго, яко дым исчезают; мене же в умилении сердца сподоби пети: Господа пойте, дела, и превозносите Его во вся веки.

Слава: Темныя власти князя, всегда борющаго мя, немощнаго и унылаго, разжженныя стрелы угаси, Всепетая, и сподоби мя благодарственно воспевати: Господа пойте, дела, и превозносите его во веки.

И ныне: Пение мое приими убогое, Всемилостивая Госпоже Дево, Владычице Богородице, Матерним Твоим милосердием покрывающи поющия: Господа пойте, дела, и превозносите Его во вся веки.

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Пресвятая Богородице, спаси нас.

Егда изнемогати крепости моей во исходе души моей грешней от окаяннаго и сквернаго сего телесе, тогда наипаче яви на мне, недостойнем, крепкую мышцу Твою, Всеблагая, даждь в час смерти моея радостно взывати Тебе: радуйся, Всеблаженная Богородице, Чистая Приснодево.

Пресвятая Богородице, спаси нас.

Нищ и убог есмь от дел благих, не имый умиления душевнаго, Премилостивая, Ты Сама дарствуй ми, да благодарственно вопию: радуйся, Всеблаженная Богородице, Чистая Приснодево.

Слава: Иссопом милосердия Твоего окропи мя, Пречистая, да очищуся от тяжких и лютых беззаконий моих и во умилении души да взываю от сердца: радуйся, Всеблаженная, Чистая Приснодево.

И ныне: Еже помыслих в души моей, по силе принесох пение Тебе, Владычице, не отрини убо обычным Твоим милосердием и не омерзи мною, многогрешным и нечистым, но сподоби всегда во умилении пети Тебе: радуйся, Всеблаженная Богородице, Чистая Приснодево.

Случайный тест

Цитата дня

Попечение о делах житейских приводит в смятение душу, смущение ими смущает и лишает тишины ум.

Аудио дня

Житие свт. Николая, архиепископа Мир Ликийских, Чудотворца

Этот день в истории

19 декабря 1240 года произошло падение Киева под нашествием монголо-татарских войск хана Батыя.

Оценка 4.4 проголосовавших: 16
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here